اباي وبلىسىنىڭ پوليتسيا دەپارتامەنتى قازاقستاندا دوموفوندارعا قاتىستى الاياقتىقتىڭ جاڭا سحەماسى انىقتالعانىن حابارلادى.
بەيتانىس تۇلعالار تۇرعىندارعا تەلەفون سوعىپ, وزدەرىن دوموفونداردى قىزمەت كورسەتەتىن كومپانيالاردىڭ قىزمەتكەرلەرى رەتىندە تانىستىرادى.الاياقتار "كىلتسىز كىرۋ" قىزمەتىن قوسىپ بەرۋدى ۇسىنىپ, پودەزدىڭ ەسىگىن التى تاڭبالى جەكە كود ارقىلى اشۋعا بولاتىنىن ايتادى. ولار بۇل كود ءار پاتەرگە جەكە جاسالادى دەپ سەندىرەدى. الايدا قۇقىق قورعاۋشىلاردىڭ ايتۋىنشا, مۇنداي قىزمەت مۇلدە جوق. شىن مانىندە, كەلىسىمگە قول جەتكىزگەن سوڭ الاياقتار ازاماتتاردىڭ جەكە دەرەكتەرىن جيناۋمەن عانا اينالىسادى.
پوليتسيا وكىلدەرى اتاپ وتكەندەي, ناقتى دوموفون قىزمەتىن كورسەتەتىن كومپانيالار ەشقاشان تەلەفون ارقىلى جەكە اقپارات سۇرامايدى جانە "كودپەن كىرۋ" قىزمەتىن رەسمي كەلىسىمشارتسىز قوسپايدى.
وقي وتىرىڭىز: بىلتىر دەرەكتەردىڭ زاڭسىز تارالۋى الەم بويىنشا 4,88 ملرد دوللار شىعىن اكەلدى
بۇدان بولەك, قازاقستاندا الاياقتىق قوڭىراۋلارعا قارسى شارالار كۇشەيتىلىپ جاتىر. بۇعان دەيىن حابارلانعانداي, كۇدىكتى نومىرلەر بۇعاتتالادى. ۇيالى بايلانىس وپەراتورلارى ارنايى انتيفرود جۇيەلەرىن قولدانۋعا جانە ازاماتتاردىڭ شاعىمى تۇسكەننەن كەيىن ەكى جۇمىس كۇنى ىشىندە كۇماندى قوڭىراۋلاردى تەكسەرۋگە مىندەتتى.قۇقىق قورعاۋ ورگاندارى تۇرعىنداردى بارىنشا ساق بولۋعا شاقىرىپ, بەلگىسىز نومىرلەردەن كەلەتىن ۇسىنىستارعا سەنبەۋگە كەڭەس بەرەدى.