استانا. 21 ناۋرىز. يندونەزيادا ءوتىپ جاتقان گاندبولدان ايەلدەر اراسىنداعى ازيا چەمپيوناتىندا قازاقستان شەشۋشى سىنعا شىعا المادى. جاپونيامەن بولعان جارتىلاي فينالدىق ويىندا قىزدارىمىز 21:37 ەسەبىمەن ەسە جىبەردى. بۇل تۋرالى egemen.kz حابارلادى.
ويىننىڭ العاشقى كەزەڭىندە جاپون قىزدارى 17 مارتە ءبىزدىڭ قاقپانى ءدال كوزدەدى. ءوز كەزەگىندە قازاقستان قۇراماسى بۇل كەزەڭدە 11 ناتيجەلى سوققىمەن جاۋاپ قاتتى. ال ويىننىڭ ەكىنشى بولىگىندە قارسىلاستارىمىز 20:10 ەسەبىمەن وڭاي جەڭىسكە جەتتى.
ەندى ءبىزدىڭ كوماندا ەرتەڭ ءۇشىنشى ورىن ءۇشىن قىتايمەن كۇش سىناسادى. ال جاپونيا وڭتۇستىك كورەيامەن چەمپيوندىق اتاقتى ساراپقا سالادى.
ايتا كەتەيىك, قول دوبىنان قازاقستان ايەلدەر قۇراماسى ەكى رەت سارى قۇرلىقتىڭ چەمپيونى اتاندى. العاش رەت 2002 جىلى توپ جارعان قازاقستاندىقتار 2010 جىلعى ازيا چەمپيوناتىندا بۇل جەتىستىكتەرىن قايتالادى. سونداي-اق, ەكى رەت 4, ءۇش مارتە 5-ورىن العان قازاقستان قۇراماسى ازىرگە قۇرلىقتىڭ كۇمىس جانە قولا جۇلدەگەرى اتانىپ كورگەن جوق.
ەلامان قوڭىر.
دەرەك: egemen.kz.
سۋرەت: nur.kz.