بۇگىن اقش-تىڭ ۆاشينگتون قالاسىندا فۋتبولدان 2026 جىلى وتەتىن الەم چەمپيوناتى فينالدىق كەزەڭىنىڭ جەرەبە تارتۋ ءراسىمى وتەدى. جەرەبە تارتۋ ءراسىمىن «Qazsport» تەلەارناسى قازاقستان ۋاقىتىمەن 22:00-دە تىكەلەي ەفيردە كورسەتەدى, دەپ جازادى Egemen.kz.
قازىر 2026 جىلعى الەم چەمپيوناتىندا باق سىنايتىن 42 مەملەكەت بەلگىلى. تاعى 6 قۇراما الداعى ۋاقىتتا انىقتالادى.
كانادا, اقش جانە مەكسيكا مەملەكەتتەرى بىرلەسىپ قابىلدايتىن الەم بىرىنشىلىگى 2026 جىلعى 11 ماۋسىم مەن 19 شىلدە ارالىعىندا وتەدى.
جەرەبەنىڭ ءبىرىنشى سەبەتىندە كانادا, مەكسيكا, اقش, يسپانيا, ارگەنتينا, فرانتسيا, انگليا, برازيليا, پورتۋگاليا, نيدەرلاندى, بەلگيا, گەرمانيا بار.
ەكىنشى سەبەتتە حورۆاتيا, ماروككو, كولۋمبيا, ۋرۋگۆاي, شۆەيتساريا, جاپونيا, سەنەگال, يران, وڭتۇستىك كورەيا, ەكۆادور, اۆستريا, اۆستراليا ەلدەرى بار.
ءۇشىنشى سەبەتتە نورۆەگيا, پاناما, ەگيپەت, الجير, شوتلانديا, پاراگۆاي, تۋنيس, كوت-د'يۆۋار, وزبەكستان, كاتار, ساۋد ارابياسى, وڭتۇستىك افريكا ەلدەرى ورنالاسقان.
ءتورتىنشى سەبەتتە يوردانيا, كابو-ۆەردە, گانا, كيۋراساو, گايتي, جاڭا زەلانديا مەملەكەتتەرى بار.
جەرەبە بويىنشا 4 كوماندادان تۇراتىن 12 توپ جاساقتالادى. ءار توپتان ءبىرىنشى جانە ەكىنشى ورىن العان كوماندالار اۆتوماتتى تۇردە پلەي-وففقا جولداما الادى.