ماسكەۋدە ايگىلى جازۋشى بوريس اكۋنينگە قاتىستى سىرتتاي ۇكىم شىعارىلدى. جازۋشىعا قىلمىستىق ءىس بويىنشا بۇرىنعى جازىلعان ۇكىمگە قوسىمشا ءبىر جىل قوسىلىپ, جالپى 15 جىل باس بوستاندىعىنان ايىرۋ جازاسى تاعايىندالدى, دەپ حابالايدى Egemen.kz.
جازۋشى رەسەيدە ينواگەنت دەپ تانىلعان. جاڭا ۇكىمگە سايكەس, وعان رف قىلمىستىق كودەكسىنىڭ «شەتەلدىك اگەنتتەر تۋرالى زاڭنامانىڭ تالاپتارىن ورىنداۋدان جالتارۋ» بابىنا سايكەس ايىپ تاعىلىپ, جالپى 15 جىل باس بوستاندىعىنان ايىرۋ جازاسى تاعايىندالدى. ونىڭ العاشقى ءتورت جىلى قاتاڭ رەجيمدەگى كولونيادا, قالعان بولىگى تۇزەتۋ مەكەمەسىندە وتەلەدى.
سونىمەن قاتار سوت جازۋشىعا 200 مىڭ رۋبل كولەمىندە ايىپپۇل سالدى. سونداي-اق اكۋنينگە التى جىل بويى ينتەرنەت جەلىلەرىندە سايت نەمەسە كانالداردى باسقارۋ قىزمەتىمەن اينالىسۋعا تىيىم سالىندى.
ەستەرىڭىزگە سالا كەتەيىك, 2025 جىلى شىلدە ايىندا بوريس اكۋنينگە تەرروريزمدى اشىق اقتاۋ ءىسى بويىنشا 14 جىلعا باس بوستاندىعىنان ايىرۋ تۋرالى سىرتتاي ۇكىم شىعارىلعان بولاتىن. كەيىنىرەك ماسكەۋدەگى جەرگىلىكتى سوت بوريس اكۋنيندى حالىقارالىق ىزدەۋگە بەرۋ تۋرالى شەشىم قابىلدادى.