الماتى اۋەجايىندا ءوز-ءوزىن ورتەگەن ەر ازاماتقا قاتىستى قوزعالعان ءىس توقتاتىلدى. پوليتسيانىڭ مالىمەتىنشە, تەرگەۋ قىلمىستىق كودەكستىڭ 105-ءبابى «وزىن-ءوزى ولتىرۋگە دەيىن جەتكىزۋ نەمەسە سوعان يتەرمەلەۋ» بويىنشا جۇرگىزىلگەن, دەپ حابارلايدى Egemen.kz.
كولىكتەگى پوليتسيا دەپارتامەنتىنىڭ حابارلاۋىنشا, ەر ادام اۋرۋحانادان شىققاننان كەيىن ەشكىمگە شاعىمى جوق ەكەنىن جازباشا تۇردە مالىمدەگەن. وسىدان كەيىن قىلمىستىق ءىس توقتاتىلعان.
تەرگەۋ اياسىندا ءورت قويۋعا جانە باسقا دا بۇزۋشىلىقتارعا ىقپال ەتكەن ءمان-جايلاردى انىقتاۋ ءۇشىن الماتى اۋەجايىنىڭ اۆياتسيالىق قاۋىپسىزدىك قىزمەتىنە حابارلاما جىبەرىلگەن.
ەستەرىڭىزگە سالا كەتەيىك, 25 تامىزدا الماتى اۋەجايىنىڭ تەرمينالىندا 33 جاستاعى ەر ادام كاسسا ماڭىندا ءوزىن ورتەپ جىبەرگەن. الدىن الا مالىمەتتەرگە سايكەس, ونىڭ ارەكەتىنە وتباسىلىق جانجال سەبەپ بولعان.