ءماجىلىس كۋلۋارىندا دەنساۋلىق ساقتاۋ ءمينيسترى اقمارال ءالنازاروۆا قايعىلى جاعدايعا قاتىستى تەرگەۋ امالدارى جالعاسىپ جاتقانىن ايتتى. ءمينيستردىڭ سوزىنشە, بۇل وقيعادا قۇرىلىس نورمالارى مەن قاۋىپسىزدىك تالاپتارىنا قاتىستى كۇمان كوپ, دەپ حابارلايدى Egemen.kz.
سونىمەن قاتار مينيستر فەلدشەر ۇلدانا مىرزۋان وقىعان مەديتسينالىق كوللەدجدەگى دارىسحاناعا ونىڭ ەسىمىن بەرۋ جوسپارلانىپ وتىرعانىن حابارلادى.
ەستەرىڭىزگە سالا كەتەيىك, 8 قاراشادا استاناداعى تاۋەلسىزدىك داڭعىلى, 24B مەكەنجايىنداعى توعىز قاباتتى عيماراتتىڭ قاسبەتىنەن كىرپىش جابىنى قۇلادى. سالدارىنان بەس ادام جاراقات الىپ, №1 جالپى اۋرۋحاناعا جەتكىزىلگەن. 18 قاراشادا جاراقات العان فەلدشەر ۇلدانا مىرزۋان كوز جۇمدى.
سول كۇنى, 18 قاراشادا, قاسىم-جومارت توقاەۆ ۇلدانا مىرزۋاندى «ەرلىگى ءۇشىن» مەدالىمەن ناگرادتادى. استانا اكىمدىگى ونىڭ وتباسىنا جان-جاقتى كومەك كورسەتىلەتىنىن, ماتەريالدىق قولداۋ مەن بارلىق راسىم شىعىندارى وتەلەتىنىن مالىمدەدى.