الماتى – بىشكەك باعىتىنداعى تاسجولدا قايعىلى جاعداي ورىن الدى. بىشكەكتە وتكەن قۇلاعى ەستىمەيتىن سپورتشىلار اراسىنداعى فۋتبول تۋرنيرىنەن كەلە جاتقان جەتى قازاقستاندىق سپورتشى جول اپاتىنان كوز جۇمدى, دەپ جازادى Egemen.kz.
كولىكتە بولعان سپورتشىلاردىڭ بارلىعى زارداپ شەكتى.
ۇلتتىق سۋردليمپيالىق كوميتەتتىڭ ۆيتسە-پرەزيدەنتى جانە جول قاۋىپسىزدىگى قاۋىمداستىعىنىڭ پرەزيدەنتى ارسەن شاكۋوۆ بۇل دەرەكتى راستادى.
قازا تاپقانداردىڭ اتى-ءجونى: • اسىل يبرايموۆ – قۇلاعى ەستىمەيتىن سپورتشىلار اراسىنداعى فۋتبول جاتتىقتىرۋشىسى; • دميتري موچالسكي – سۋردليمپيالىق ويىندار مەن ەۋروپا چەمپيوناتىنىڭ جەڭىمپازى; • ساكەن سماعۇلوۆ – قۇلاعى ەستىمەيتىن فۋتبول قۇراماسىنىڭ ويىنشىسى; • سەرگەي ۆولكوۆينسكي – ۇلتتىق قۇرامانىڭ ارداگەرى; • سەرىك مولداشەۆ – قۇلاعى ەستىمەيتىن فۋتبول قۇراماسىنىڭ مۇشەسى.
پوليتسيانىڭ حابارلاۋىنشا, اپات 129-شى شاقىرىمدا ورىن العان. Honda Odyssey ماركالى ميكرواۆتوبۋس HOWO جۇك كولىگىنىڭ تىركەمەسىنە سوعىلىپ, اۋىر سوققىدان جەتى ادام وقيعا ورنىندا قايتىس بولدى.