بيىل جاستاردى اسكەري قىزمەتىن وتكەرۋگە ىنتالاندىرۋ ماقساتىندا 3 000-نان استام مەملەكەتتىك ءبىلىم بەرۋ گرانتتارى بەرىلگەن. ونىڭ ىشىندە 2 000-نان استامىن 2024 جىلدىڭ كوكتەمى مەن كۇزىندە اسكەرگە الىنىپ, 2025 جىلى قىزمەتىن اياقتاعان ازاماتتار العان, دەپ حابارلايدى Egemen.kz.
قورعانىس مينيسترلىگىنىڭ مالىمەتىنشە, گرانتتاردى ءبولۋدىڭ اشىقتىعىن Sarbaz 2.0 اقپاراتتىق جۇيەسى قامتاماسىز ەتەدى. ىرىكتەۋ ناتيجەلەرى پلاتفورمادا جاريالانادى جانە بۇل قاتىسۋشىلارعا ءوز دەرەكتەرىن وزدەرى تەكسەرۋگە مۇمكىندىك بەرەدى.
2025 جىلدان باستاپ مەملەكەتتىك گرانت يەگەرلەرىنە قوسىمشا ستيپەنديا, جاتاقحانا جانە اسكەري كافەدرادا كونكۋرستان تىس وقىتۋ سياقتى جەڭىلدىكتەر بەرىلەدى. بۇل وفيتسەرلىك قىزمەتكە جول اشادى.
جوبا 2023 جىلى ىسكە قوسىلعان. سودان بەرى مەرزىمدى قىزمەتتەن وتكەن ازاماتتارعا 9 000-نان استام ءبىلىم بەرۋ گرانتى بولىنگەن.
گرانت يەلەنگەن «كۇز-2024» اسكەريلەرىنىڭ ءتىزىمى مىنا سىلتەمەدە تۇر.