استانا. 22 ناۋرىز. «مەن اقاەۆ پەن باكيەۆتىڭ ورىندارىندا پرەزيدەنتىمىز نازارباەۆ بولعاندا, جاعدايىمىز مۇلدە باسقاشا قالىپتاسار ەدى-اۋ, دەگەن ويعا ءجيى بەرىلەمىن» دەدى قىرعىزستان پرەزيدەنتى المازبەك اتامباەۆ 20 ناۋرىز كۇنى بىشكەكتە مەكتەپتىڭ اشىلۋ سالتاناتىندا سويلەگەن سوزىندە. بۇل تۋرالى وزبەكستاننىڭ CA-NEWS پورتالى حابارلادى.
«مەن ءبىرىنشى كەزەكتە قازاقستان پرەزيدەنتىنە العىس سەزىمىمدى جەتكىزگىم كەلەدى. ونىمەن ءاربىر كەزدەسكەن سايىن اقساقالدىڭ تەك قازاقستان حالقى ءۇشىن عانا ەمەس, سونىمەن قاتار, قىرعىزستان مەن ءبىزدىڭ جۇرتىمىزعا دا ايرىقشا جانى اشيتىنىنا كوز جەتكىزە تۇسەمىن. مۇنداي ليدەرلەر تىم از. جاقىندا قازاقستاندا سايلاۋ وتەدى, ال نازارباەۆ سەكىلدى باسشىنى تابۋ وتە قيىن. مۇنداي باسشىسىنىڭ بولعانىن تەك قازاقستان عانا ەمەس, باسقا كەز كەلگەن حالىق تا قالاعان بولار ەدى», - دەپ ويىن تارقاتىپ ايتتى قىرعىزستان پرەزيدەنتى ءبىلىم مەكەنىنىڭ اشىلۋى راسىمىندە سويلەگەن سوزىندە.
«مەن ەگەر سول كەزدەرى اقاەۆ پەن باكيەۆتىڭ ورىندارىندا ءبىزدىڭ پرەزيدەنتىمىز نازارباەۆ بولعاندا, جاعدايىمىزدىڭ مۇلدەم باسقاشا قالىپتاساتىنى تۋرالى تالاي مارتە ويلاندىم, بۇل ويىمدى ول كىسىنىڭ وزىنە دە ايتتىم. مەن قازاق حالقى مەنىڭ وسى سوزدەرىمدى ەسكەرە وتىرىپ, وعان تاعى دا قولداۋ بىلدىرەدى عوي دەپ ويلايمىن. مەن ۇدايى ونىمەن كەڭەسىپ, كەڭەس الىپ تۇرامىن. قۇداي وعان قۋات بەرسىن, سوندا قازاقستان حالقىنا تۇگەل جاقسى جول اشىلادى», - دەپ اتاپ ءوتتى ول جيىندا.
مۇرات ايتقوجا.
دەرەك, سۋرەت: CA-NEWS.