ماماندار بىلىكتىلىگىن شىڭداعان بايقاۋ

ەكى كۇندىك ءىس-شارادا الىس-جاقىننان كەلگەن قوناقتار بايقاۋ بارىسىمەن شەكتەلمەي, كوللەدجدىڭ وقۋ عيماراتى مەن وندىرىستىك بازاسىن ارالاپ, وقۋ ورنىمەن تەرەڭىرەك تانىستى. الدىمەن كوللەدجدىڭ ءتورت قاباتتى باس عيماراتىن ارالاعان قوناقتار ونداعى جاڭاشىلدىق پەن ۇيلەسىمدىلىكتى كوردى.

ءيا, ەسىكتەن كىرگەننەن-اق مۇندا مۇن­تاز­داي تازالىق بايقالادى. عيمارات­تىڭ ءتورت قاباتى تۇگەلىمەن كۇردەلى جوندەۋدەن ءوتىپ, ءاربىر قاباتى تاقىرىپقا ساي ستەندتەرمەن جاساقتالىپ, بەزەندىرۋ جۇ­مىستارى جۇرگىزىلگەن. ەكىنشى قابات­تاعى مۇراجاي الىس­تان كوز تارتادى. وندا وقۋ كورپۋستارىنىڭ ماكەتى جاسالىپ, ىشىنە جارىقشامدار ورناتىلعان. وقۋ عي­ماراتىنىڭ ءۇشىنشى قاباتىن بەزەندىرگەن ستۋدەنتتەردىڭ ۇشقىر قيالىنان تۋعان اسەم كورىنىس كوزدىڭ جاۋىن الادى. «قازىرگى اقپاراتتىق, تسيفرلى داۋىردە جاستار ءبىر-بىرىمەن ارالاسىپ, تىعىز بايلانىس ورناتا دا ءبىلۋ كەرەك. كوللەدج ۇستازدارىنىڭ جوباسى اياسىندا وقۋ­لىقتار مەن كوركەم ادەبيەتتەردىڭ  QR  كودى جاسالىندى. سول QR كود ارقىلى ستۋدەنتتەر كىتاپتاردى وقيدى. مۇندا ينتەرنەت جەلىسى دە جاقسى جۇمىس ىستەيدى», دەيدى كوللەدج ديرەكتورى نارجان الىپباەۆ.

وقۋ ورداسىنىڭ  وندىرىستىك بازاسىنا بارعان قوناقتاردى ديرەكتوردىڭ وقۋ-وندىرىستىك جۇمىستارى جونىندەگى ورىنباسارى اسىلبەك اسقار كۇتىپ الىپ, ءوز تاجىريبەلەرىمەن ءبولىستى. «سەنىمگەرلىك باسقارۋعا العان سەرىكتەستىك سەنىمىمىزدى اقتادى, – دەپ ءسوز باستادى ول. اتالعان كومپانيانىڭ اتقارۋشى ديرەكتورى قايرات ايتباەۆتىڭ باستاماسىمەن بازانى تولىق جاساقتاپ الدىق. مۇندا ستۋدەنتتەردىڭ اۋىل شارۋاشىلىعى سالاسىن مەڭگەرىپ شىعۋلارىنا تولىق مۇمكىندىك بار. الما, ءجۇزىم, انار ءوسىرۋدىڭ قىر-سىرىن ۇيرەنىپ, بالىق ءوسىرۋدى دە جان-جاقتى مەڭگەرىپ شىعادى», دەدى ا.اسقار.

كوللەدجدى سەنىمگەرلىك باسقارۋعا العان «Dala-ءFruىt.kz» جشس وڭىردەگى جۇمىس بەرۋشىلەردىڭ جاعدايىن جانە  ءجيى ورىن الىپ جاتقان توتەنشە جاعدايلار مەن ءورت اپاتتارىن ەسكەرە وتىرىپ,  ء«ورت قاۋىپسىزدىگى» جانە «توتەنشە جاعدايدا قورعاۋ» ماماندىقتارىن اشقان ەكەن. بولاشاق ءورت سوندىرۋشىلەر ارنايى تەحنيكانى باسقارىپ ۇيرەنۋى ءۇشىن ءورت ءسوندىرۋ كولىگى  ساتىپ الىنعان. 

مەملەكەت باسشىسى قاسىم-جومارت توقاەۆ  وسى جىلدى  «جۇمىسشى مامان­دىق­تارى جىلى» دەپ جاريالادى. بۇل نەگىزىنەن وسى سالانىڭ ماماندارىن دايارلايتىن ارناۋ­لى وقۋ ورىندارىنىڭ جۇمىسىن جانداندىرىپ, ىلكىمدى ىستەردى قولعا الۋعا تۇرتكى بولدى دەسەك, قاتەلەس­پەيمىز. اتالعان  بايقاۋ اتالعان وقۋ ورنى مەن فرانتسيانىڭ «Coupe du monde de la chocolatine» حالىقارالىق قاۋىمداستىعى اراسىندا تۇزىلگەن ەكى­جاقتى ىنتىماقتاستىق كەلىسىمى اياسىندا جۇزەگە اسىپ وتىر. تاعى ءبىر ەرەكشە توق­تالا كەتكىمىز كەلەتىنى, بۇل بايقاۋدان ۇز­دىك شىققان ۇمىتكەر كەلەسى جىلى ناۋ­رىز ايىندا فرانتسيانىڭ تۋلۋزا قالا­سىن­دا وتەتىن شوكولاتين جانە «Pain au Chocolat» دەپ اتالاتىن الەم چەمپيوناتىنا قاتىسۋعا جولداما الادى.

كوللەدجدى سەنىمگەرلىك باسقارۋعا العان سەرىكتەستىكتىڭ اتقارۋشى ديرەكتورى قايرات ايتباەۆ ءوز سوزىندە بۇل بايقاۋ وڭىرىمىزدە كونديتەرلىك سالانى دامىتۋعا, مامانداردىڭ بىلىكتىلىگىن ارتتىرۋعا, تاجىريبە الماسۋعا جانە ەلىمىز بەن ورتالىق ازيانىڭ باي گاسترونوميالىق مۇراسىن الەمگە كەڭىنەن تانىستىرۋعا جول اشاتىنىن ايتسا, «وڭتۇستىك قازاقستان» قوعامدىق-ساياسي گازەتىنىڭ باس رەداكتورى اباي بالاجان بايقاۋ بارىنشا ءادىل ءوتىپ, جۇزدەن جۇيرىك شىققان تالاپكەر عانا الدا وتەتىن الەم چەمپيوناتىنا بارىپ, وندا دا توپ جارىپ, جۇلدىزى جارقىراي كورىنۋىنە تىلەكتەستىك ءبىلدىردى.

بايقاۋعا ءوز ەلىمىزدەن بولەك, قىرعىز­ستان, وزبەكستان مەملەكەتتەرىنەن «يۋنيور» – جاس­تار جانە «پروفەسسيونال» – كاسىبي ماماندار ساناتتارى بو­يىنشا 22 ۇمىتكەر قاتىستى. فرانتسيا رەزيدەنتسياسىنىڭ باس اكىمشىسى, ورتالىق ازيا بويىنشا «شوكولاتين» چەمپيوناتىنىڭ ۇيىمداستىرۋشىسى كارلوس مارسالا, «Le Dessert» ناۋباي­حانا­سىنىڭ برەند-شەفى, ۇيىمداستىرۋشى اسسيستەنت ايگەرىم بەكوۆا, فرانتسيانىڭ قازاقستانداعى ەلشىلىگىنىڭ ىنتى­ماق­تاستىق جانە مادەنيەت جونىندەگى كەڭەسشىسى سەباستەن دە كۋرتۋا, ەۋرازيالىق كۋبوكتىڭ پرەزيدەنتى ەرجان پازيلوۆ, ەۋرازيالىق كۋبوكتىڭ ۆيتسە-پرەزيدەنتى گۇلميرا كۇلپەيسوۆا, «The Ritz-Carlton» قوناق­ۇيىنىڭ شەف-كونديتەرى ناريمان ابدىعاپپاروۆ, «Le Dessert» ناۋبايحاناسىنىڭ برەند-شەفى الەكساندر پاكو, «Tian Shan Grand Hotel» قوناق­ۇيىنىڭ برەند شەفى ايدىن سەرىك­ ۇلى, «ەسكوفە ءىزباسارلارى» قازاقستان دەلەگاتسياسىنىڭ قازىناشىسى توماس ميۋللەر, حالىقارالىق اسپازدىق ءبىلىم بەرۋ سالاسىنىڭ ساراپشىسى, «ەسكوفە ءىزباسارلارى» ينستيتۋتىنىڭ (IDE) ديرەكتورى بەرتران گەررە, «گۋرمان جانە تابىستى مەيرامحانا» مەيرامحاناسىنىڭ باسقارۋشىسى الەكساندر ۋدەبين سىندى قازىلار القاسىنىڭ شەشىمىمەن  بايقاۋدىڭ  باس جۇلدەسى – الەم چەمپيوناتىنا بەرىلگەن جولدامانى تۇركىستان جوعارى كوپسالالى اگرارلىق كوللەدجىنىڭ ستۋدەنتى پەرنەن مۇحاممەدالى جەڭىپ الدى. ال شىمكەنت قالاسىنداعى تاماقتاندىرۋ يندۋستريا­سى جانە سەرۆيس كوللەدجىنىڭ ستۋدەنتى گۇلدەن نۇرالىقىزى, كاسىبي ناۋبايحانا كوللەدجىنىڭ (بىشكەك قالاسى) ستۋدەنتى اجار كەنەشوۆا, يانگيۋل اگروتەحنولوگيالىق تەحنيكۋمىنىڭ (تاشكەنت قالاسى) ستۋدەنتى اسيلبەك راحمانوۆ ءى ورىن – التىن جۇلدە يەگەرى دەپ تانىلسا, كاسىبي ناۋبايحانا كوللەدجىنىڭ (بىشكەك قالاسى) ستۋدەنتى ديلنوز يناياتوۆا, تۇركىستان جوعارى كوپسالالى اگرارلىق كوللەدجىنىڭ ستۋدەنتى بەكسۇلتان قاراباي ءىى ورىن – كۇمىس جۇلدەگە قول جەتكىزدى. ءىىى ورىن – قولا جۇلدەگە قوعامدىق تاماقتانۋ جانە سەرۆيس كوللەدجىنىڭ (استانا قالاسى) ستۋدەنتى ءجۇنىس بەگالى, كاسىبي ناۋبايحانا كوللەدجىنىڭ (بىشكەك قالاسى) ءبىلىم الۋشىسى فاريدا بولوتكانوۆا لايىق دەپ تانىلدى. بۇل جاستار, ياعني «يۋنيور» ساناتى اراسىنداعى بايقاۋدىڭ جەڭىمپازدارى بولسا, «پروفەسسيونال» – كاسىبي ماماندار ساناتى بويىنشا باس جۇلدە – الەمدىك چەمپيوناتقا جولداما قوعامدىق تاماقتانۋ جانە سەرۆيس كوللەدجىنىڭ (استانا قالاسى) ارنايى ءپان وقىتۋشىسى ەركەبۇلان ماحمۇتقا بەرىلدى. بۇل ساناتتاعى التىن جۇلدە يەگەرلەرى رەتىندە تاماقتاندىرۋ يندۋسترياسى جانە سەرۆيس كوللەدجىنىڭ وقىتۋشىسى (شىمكەنت قالاسى) ارنايى ءپان وقىتۋشىسى حابيبۋللا ۋسمانوۆ, كاسىبي ناۋبايحانا ليتسەيىنىڭ (بىشكەك قالاسى) ارنايى ءپان وقىتۋشىسى ءجاميلا جۇماتاەۆا, يانگيۋل اگروتەحنولوگيالىق تەحنيكۋمىنىڭ وقىتۋشىسى (تاشكەنت قالاسى) ادولات تەميروۆا تانىلدى. ال, «Nanmai bakery» ناۋبايحاناسىنىڭ (استانا قالاسى) ناۋبايشىسى ايداتوسەكباەۆا قولا جۇلدەگە قول جەت­كىزدى.

اۋقىمدى ءىس-شاراعا وبلىستىق ءبىلىم بەرۋ باسقارماسىنىڭ وكىلدەرى, وبلىستاعى تەحنيكالىق جانە كاسىپتىك ءبىلىم بەرۋ ۇيىمدارىنىڭ باسشىلارى, ارنايى ءپان وقىتۋشىلارىمەن بىرگە فرانتسيانىڭ قازاقستانداعى ەلشىسى سيلۆان گيوگە, ەلشىلىكتىڭ ىنتىماقتاستىق جانە مادەنيەت جونىندەگى كەڭەسشىلەرى سەباستەن دە كۋرتۋا, مادام ود كريستوف, اتالعان ەلشىلىكتىڭ اۋىل شارۋاشىلىعى جونىن­دەگى ساراپشىسى ۆەنسان بەرجەزا, فرانتسيانىڭ الماتى قالاسىنداعى باس كونسۋلى ماكسيم جەرەنجە جانە شىمكەنت قالاسىنداعى قۇرمەتتى كونسۋلى يگور كوپايىلوۆ قاتىستى.