بيىلعى 16 قىركۇيەكتەن باستاپ بانك شوتىن بوگدە ادامدارعا پايدالانۋ ءۇشىن بەرگەندەردى قىلمىستىق جاۋاپكەرشىلىككە تارتۋ بويىنشا ارنايى باپ كۇشىنە ەنگەن ەدى. ءىىم جاڭا نورما ەنگەننەن بەرى دروپپەرلىككە قاتىستى 10 قىلمىستىق ءىس تىركەلگەنىن حابارلادى, دەپ جازادى Egemen.kz.
ماسەلەن, ورال قالاسىنىڭ 18 جاستاعى تۇرعىنى تولەم كارتاسىن 2 اي بويى قىلمىستىق توپتىڭ پايدالانۋىنا رۇقسات بەرگەن. قىلمىستىق توپ ورالدىقتىڭ بانك شوتىن ەسىرتكى ساۋداسىنا پايدالانعان. سىياقى ءۇشىن زاڭسىز قادامعا بارعان جىگىت قولعا ءتۇسىپ, كىناسىن مويىنداعان.
سونداي-اق سەمەيدىڭ 23 جاستاعى تۇرعىنى ءۇش اي بويى ەسىرتكى ساتۋدان تۇسكەن اقشانى قولما-قول شىعارىپ بەرگەن.
اتىراۋ وبلىسىندا دا 21 جاستاعى قىز ەسەپ شوتىنا 400-دەن استام اقشا اۋدارىمىن جاساۋعا رۇقسات ەتكەن. تەرگەۋ بارىسىندا قارجى ەسىرتكى ساۋداسىنان تۇسكەنى انىقتالدى.
ەسىرتكى قىلمىسىنا قارسى ءىس-قيمىل كوميتەتى اتالعان سيپاتتاعى قىلمىستار ءۇشىن 200 ايلىق ەسەپتىك كورسەتكىش مولشەرىندەگى ايىپپۇلدان باستىپ, 7 جىلعا دەيىن باس بوستاندىعىنان ايىرۋ جازاسى قاراستىرىلاتىنىن ەسكەرتىپ وتىر.