استانا. 22 ناۋرىز. KEGOC اكتسيونەرلىك قوعامى ۇستىمىزدەگى جىلدىڭ 1 ساۋىرىنەن باستاپ KEGOC جەلىلەرى بويىنشا ەلەكتر ەنەرگياسىن بەرۋ تاريفتەرىن 1,954 تەڭگەدەن 1,943 تەڭگە/كۆت-ساعاتقا دەيىن تومەندەتەدى. بۇل تۋرالى «قازاقپارات» حابارلادى.
حابارلامادا كورسەتىلگەندەي, تاريفتەردى بۇلايشا تومەندەتۋ دەڭگەيى ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىمەن كەلىسىلگەن.
ەسكە سالا كەتەيىك, بيىلعى جىلدىڭ باسىندا ۇلتتىق ەكونومكا مينيسترلىگى ەلەكتر ەنەرگياسىنا تاريفتەر تومەندەتىلەتىنىن حابارلاعان بولاتىن. ونىڭ ءبىرىنشى كەزەڭىندە «بولات نۇرجانوۆ اتىنداعى «ەكىباستۇز گرەس-1» جشس-دا باعانىڭ تومەندەۋى 8,80-نەن 8,65 تەڭگە/1 كۆت ساعات (ققس-نىز) ەسەبىنەن, ەلەكترمەن جابدىقتايتىن ۇيىمداردىڭ تۇپكىلىكتى باعاسى ارزاندايتىنىن جاريالاعان بولاتىن. ەكىنشى كەزەڭدە KEGOC اق-تىڭ, اۋداندىق ەلەكتر كومپانيالارىنىڭ, ەلەكتر بەرەتىن ۇيىمداردىڭ باعاسىن تومەندەتۋ جوسپارلانعان.
قازىرگى كەزدە ر ەنەرگەتيكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنە ەكىباستۇز گرەس-1 ەلەكتر ەنەرگياسىن بوساتۋ باعاسىن 8,8-دەن 8,65 تەڭگە/كۆت-ساعاتقا تومەندەتەتىنىن حابارلادى.
وسىعان بايلانىستى KEGOC شىعىنداردى قايتا ەسەپتەپ, ونىڭ قورىتىنىسىندا كومپانيا جەلىلەرى بويىنشا ەلەكتر ەنەرگياسىن بەرۋ تۋرالى قىزمەتتەرگە ءتاريفتى 1,954-تەن 1,943 تەڭگە كۆت-ساعاتقا دەيىن ارزانداتۋ جونىندە شەشىم قابىلداندى.
جولدىباي بازار.
دەرەك, سۋرەت: «قازاقپارات».