استانا. 22 ناۋرىز, رەسەيدىڭ دانياداعى ەلشىسى ميحايل ۆانين كەشە دانيانىڭ رەسەي تاراپىنان بەرىلەتىن يادرولىق سوققىنىڭ نىساناسى بولۋى ابدەن مۇمكىن ەكەنىن جاريالادى. بۇل تۋرالى داتتىڭ Jyllands Posten دەگەن بالالار باسىلىمى حابارلادى.
رەسەيدىڭ وسى ەلدەگى ءتىلشىسى مۇنى جوعارىدا اتالعان گازەتتىڭ ارنايى باعانى ءۇشىن جازعان. ول دانيانىڭ رەسەي فەدەراتسياسى تاراپىنان بەرىلۋى ىقتيمال يادرولىق سوققىنىڭ ناقتى نىساناسى بولۋى مۇمكىن ەكەنىن كەلتىرگەن. ميحايل ۆانين مۇنى «ەگەر دانيا ناتو-نىڭ زىمىرانعا قارسى قورعانىس جۇيەسىنە قوسىلىپ كەتەتىن بولسا» دەگەنگە بايلانىستىرا مالىمدەگەن.
«مەن داتتار ەگەر دانيا امەريكالىقتار باسقاراتىن راكەتاعا قارسى قورعانىس جۇيەگە كىرەتىن بولسا, وزدەرىن نەنىڭ كۇتىپ تۇرعانىن تولىق سەزىنبەيدى دەگەنگە سەنبەيمىن. ال سول كەزدە داتتىڭ اسكەري كورابلدەرىنىڭ رەسەي يادرولىق راكەتالارىنىڭ نىساناسى بولاتىنى انىق», - دەپ جازدى ۆانين.
ونىڭ ايتۋىنشا, كوپەنگاگەننىڭ مۇنداي ساياساتى رەسەي فەدەراتسياسى مەن دانيا اراسىنداعى قارىم-قاتىناسقا ەلەۋلى زالال كەلتىرەتىن بولادى. سەبەبى, مۇنىڭ ءوزى ماسكەۋدىڭ وزىنە قاۋىپ توندىرەدى.
«بۇل, ارينە, سىزدەردىڭ شەشىمدەرىڭىز, مەن تەك بۇل جاعدايدا سىزدەردىڭ اقشانى دا, قاۋىپسىزدىكتى دە جوعالاتىندارىڭىزدى ەستەرىڭىزگە سالا كەتكىم كەلەدى», - دەپ جازادى ديپلومات.
ەلشىنىڭ مالىمدەمەسى دات ساياساتكەرلەرى اراسىندا تۇسىنبەستىك پەن اشۋ-ىزا تۋعىزىپ جاتىر.
مۇرات ايتقوجا.