گەننادي گولوۆكين – حالىقارالىق بوكس فەدەراتسياسىن باسقارادى

گەننادي گولوۆكين حالىق­ارالىق بوكس فەدەراتسياسىنىڭ پرە­زيدەنتى بولىپ سايلانسا, تەك قازاق بوكسى عانا ەمەس, الەمدە وسى سپورت ءتۇرىنىڭ وركەن جايۋىنا زور ەڭبەك سىڭىرەتىنىن گازەتىمىزدىڭ وتكەن نومىرىندە جازعان ەدىك.

ريم قالاسىندا وتكەن كون­گرەستە وتان­داسىمىز حالىق­ارالىق فەدەراتسيانىڭ پرەزيدەنتى لاۋازىمىنا ءۇش جىل مەر­زىمگە سايلاندى.

«مەن بوكستىڭ بارلىق وتكە­لىنەن ءوتتىم, اۋەسقويلار اراسىندا وليمپيادا دوداسىنا قاتىسىپ, كۇمىس مەدال يەلەندىم, الەم چەمپيونى اتاندىم. ال بۇگىندە سپورت سالاسىندا جاۋاپكەرشىلىك ارقالاپ, باسشىلىق قىزمەت اتقارىپ كەلەمىن. بالا كۇنىمنەن جۇرەگىممەن قالاعان, كوڭىلىم ەرەكشە قۇلاعان سپورتتىڭ بولاشاعى ءۇشىن حالىقارالىق بوكس فەدەراتسياسىنا ۇلەسىمدى قوسىپ ەڭبەك ەتۋگە كەلدىم. بۇعان دەيىن حالىقارالىق وليمپيادالىق كوميتەتى (حوك) Olympism365 كوميسسياسىنىڭ مۇشەسى رەتىندە, سونىمەن قاتار «World Boxing» ۇيىمىنىڭ وليمپيادالىق كوميس­سياسىنىڭ توراعاسى لاۋازىمىن اتقارعاندا اڭعارعانىم, ءادىل باسشىلىق ەتۋ – بوكستى, بوكس­شىلاردى قورعايتىن قالقان. ءبىز بۇگىن تاريحي ماڭىزدى جيىنعا جينالدىق. حالىقارالىق بوكس فەدەراتسياسى بوكسشىلاردىڭ سەنى­مىن كۇشەيتەتىن, وليمپيادالىق قاۋىمداستىق ساناسىپ, قۇرمەت­تەيتىن ۇيىمعا اينالۋى قاجەت»,  دەدى گ.گولوۆكين.

حالىقارالىق ۇيىم­نىڭ ەكى تىزگىن, ءبىر شىلبىرىن قولىنا العان جەر­لەسىمىز بوكستى دامىتۋدا ادى­لەت­تىلىك ورناتىپ, بۇرا تارتۋشى­لىق­قا جول بەرمەۋ­گە كۇش سالاتى­نى­نا توقتالدى. حوك-ءتىڭ بارلىق قۇن­دىلىعىنا قۇرمەت­پەن قاراپ, ادىلدىك ورنا­تۋعا بارىن سالاتىنىن, زور جاۋاپ­­كەرشىلىك جۇكتەپ, سە­نىم ارت­­قان كوپشىلىككە العىسىن ايتتى.

حالىقارالىق بوكس فەدەرا­تسياسىنىڭ كونگرەسىندە ۇيىمنىڭ وزگە دە باسقارۋ ورگاندارىنىڭ جاۋاپتى تۇلعالارى سايلاندى. فەدەراتسيانىڭ رەگلامەنتىندە قاتتالعان تۇيتكىلدى ماسەلەلەر, كۇنتىزبەدەگى حالىقارالىق اۋقىم­­دى شارالار, ۇيىمدى دا­مى­تۋ­دىڭ وزەكتى تاقىرىپتارى تالقى­لاندى. جارعىعا ساي قابىل­دان­عان شەشىمدەر دەلەگات­تاردىڭ داۋىس بەرۋى ارقىلى بەكىتىلدى. كون­گرەس­تە داۋىس بەرۋگە 58 ەلدىڭ بوكس فەدەراتسيالارىنىڭ وكىلدەرى قاتىستى.

2023 جىلى ساۋىردە قۇرىلعان «World Boxing» ۇيىمىنىڭ كوزدەگەنى – بوكستى جازعى وليم­پيا ويىندارىنىڭ باعدار­لاماسىنداعى ورنىن ساقتاپ, بولا­شاعىن بەكەمدەۋ. ايتپەسە حوك 2022 جىلى بەكىتكەن وليمپادالىق سپورت تۇرلەرىنىڭ تىزىمىنە بوكس­تى قوسپاي قويدى. كىلتيپان حالىقارالىق بوكس قاۋىمداستىعى (IBA) تاراپىنان تۋىندادى. 2019 جىلدىڭ جازىندا حالىقارا­لىق بوكس قاۋىمداستىعىنىڭ ىشىن­دە تۇتانىپ, جەمقورلىق ماسەلەسى ۋشىققاندا, حوك بۇل قاۋىمداستىقپەن جۇمىس ىستەۋدى توقتاتتى. 2023 جىلى ماۋسىمدا حالىقارالىق وليمپيادا كومي­تەتى بۇل ۇيىمدى مويىن­داۋدان تۇپ­كىلىكتى باس تارتىپ, ىرگەسىن اۋلاق سالدى. مۇنىڭ سالقىنى الدىمەن بوكسقا ءتيىپ, 2028 جىلى اقش-تىڭ لوس-اندجە­لەس قالاسىندا وتەتىن  وليمپيا ويىندارىنان تىس قالۋى دا مۇمكىن ەدى. بىلتىرعى پاريج وليمپياداسىندا بوكس دوداسىن حوك ارنايى جۇمىس توبىن قۇرىپ, سولاردىڭ باسقارۋىنا بەرىپ وتكىزدى.

بوكس سپورتى وليم­پيادا باع­دارلاماسىمەن بىرگە جاساي بەرۋى ءۇشىن حوك جاڭا ۇيىم قۇرۋ قاجەتتىگىن ەسكەرتتى. كوپ وتپەي 2023 جىلدىڭ كوكتەمىندە «World Boxing» ۇيىمى قۇرىلىپ, جەر-جاھانعا ساۋىن ايتىلدى. الايدا حالىقارالىق بوكس فەدەراتسياسى جۇمىسىنا سول جىلدىڭ كۇزىندە كىرىستى. گەرمانيانىڭ فرانكفۋرت قالاسىندا العاشقى كونگرەسىن وتكىزىپ, پرەزيدەنتى, كوميتەت باسشىلارى سايلاندى. كەلەشەكتە اتقارىلار جۇ­مىسى جازىلىپ, جارعىسى بەكىتىلدى. تۇڭعىش پرەزيدەنتى بو­لىپ سايلانعان نيدەرلاندىق بو­ريس ۆان دەر ۆورسپەن قاناتتاسا رايان و’شي (كانادا), مەتت حولت (انگليا), دينا گليكيديس (اۋستراليا) ۆيتسە-پرەزيدەنت بولىپ ەڭبەك ەتتى. شتاب-پاتەرى شۆەيتساريانىڭ لوزاننا قالاسىنداعى ۇيىمنىڭ بەدەلىن ارتتىرۋ جاڭا كومانداعا سىن. بۇگىندە ۇيىمعا 136 ەلدىڭ بوكس فەدەراتسياسى مۇشە.

وتانداسىمىز الەمدىك ۇيىم­­نىڭ پرەزيدەنتى بولىپ ساي­لانعانىن جاھاندىق اقپارات قۇرالدارى دا سۇيىنشىلەي جارىسا جازىپ جاتىر. ۆۆس, Reuters اگەنت­تىكتەرى گولوۆكين حالىقارالىق بوكس ۇيىمىنىڭ پرەزيدەنتى بولىپ سايلانعانىن, جاڭا پرەزيدەنتتىڭ جانكۇيەرلەردىڭ بوكس سپورتىنا دەگەن ىڭكارلىگىن كۇشەيتىپ, سەنىمىن ارتتىرۋعا كۇش سالامىن دەگەن پىكىرىن جاريالادى.

«World Boxing» ۇيىمىنىڭ بيىلعى كونگرەسىنە توراعالىق ەتكەن حالىقارالىق بوكس فەدە­راتسياسىنىڭ ۆيتسە-پرەزيدەنتى دينا گليكيديس بولاشاقتا اتقا­رىلار جۇمىسقا قاتىستى كەلەلى ماسەلەلەر ايتىلعانىن اتاپ ءوتتى. «كونگرەسس – «World Boxing» ۇيىمىنىڭ ەڭ جوعارى بيلىك ورگانى سانالادى. وسىنداي القالى باسقوسۋدا بوكستى ورىس­تەتۋدىڭ تۇيتكىلدى ماسەلەلەرى تالقىلانىپ, شەشىمى ايتىلادى. قۇرىلعانىنا ەكى جىل بولعان ۇيىم بىرقاتار تابىسقا جەتتى. ءبىز ارقاشان اشىقتىق پەن قاتاڭ باسقارۋ قاعيداسىنا سۇيەنىپ, ءوز مىندەتىن لايىقتى اتقارۋعا ۇمتىلامىز. جاڭا سايلانعان پرەزيدەنت گ.گولوۆكين اتقارۋشى كەڭەسپەن تىزە قوسىپ, 2028 جىلى وتەتىن وليمپيادا دوداسىنا ازىرلىكتى كۇشەيتە تۇسەتىنىمىزگە سەنىمدىمىن», دەدى د.گليكيديس.

بوكستان ۇلتتىق قۇرامانىڭ باس باپكەرى قىزمەتىن اتقارعان بىلىكتى مامان تۇرسىنعالي ەدىلوۆ گەننادي گولوۆكيننىڭ حالىقارالىق ۇيىمعا جەتەكشىلىك ەتۋى قازاق سپورتىنىڭ بەدەلى جوعارى ەكەنىن ايقىنداي تۇسەدى دەيدى.

ء«بارىمىز ءۇشىن دە بۇل اقجول­تاي جاڭالىق بولدى. قازاق بوكسىنىڭ جاڭا ءداۋىرى تۋادى دەپ سەنەمىن. گەنانى 2000 جىلدارى جاستار ساپىنا وتكەن شاعىنان جاقسى بىلەمىن, وتە ىزدەنىمپاز, ەڭبەكقور ازامات. اۋەسقويلار اراسىندا, كەيىن كاسىپقوي بوكسقا اۋىسقاندا دا ەلىمىزدىڭ ابىرويىن اسقاقتاتتى. ال بۇگىندە الەمدىك تۇلعاعا اينالىپ, دۇنيەجۇزىنىڭ بوكسىنا باس يە بولىپ سايلاندى. ەندى ءبىزدىڭ بوكسشىلارعا, باپكەرلەرگە دە جاۋاپكەرشىلىك جوعارىلايدى دەپ سەنەمىن. ويتكەنى قازاق بوكسى الەمدە تەڭدەسسىز ەكەنىن دالەلدەۋ بار دا, سول بيىكتەن تومەندەمەۋ دە ولارعا سەرت. بوكس دەگەن بەكزادا سپورتتىڭ دارەجەسىن كوتەرىپ, مەرەيىن اسىرۋعا جەرلەسىمىز زور ۇلەس قوساتىنىنا سەنىمدىمىن»,  دەيدى ت.ەدىلوۆ.

وليمپيادانىڭ باع­دارلاما­سىندا بوكس سپورتى ورنىن نىعايتا تۇسۋىنە جاڭا ۇجىم كۇش سالادى دەپ الەم سەنىپ ارتىپ وتىر.

ريمدەگى كونگرەستە حالىق­ارالىق بوكس فەدەراتسياسىنىڭ ۆيتسە-پرەزيدەنتى بولىپ دينا گليكيديسپەن وزگە كانادالىق رايان و شي, بريتاندىق مەتت حولت سايلان­دى. ۇيىمنىڭ اتقارۋشى كەڭە­سىنە مايكل ميۋللەر (گەر­ما­نيا), ۆيكتوريكو ۆارگاس (فيليپ­پين), تاتسۋيا ناكاما (جا­پونيا), ماركوس كانديدو دە بريتو (برا­زيليا) بەكىتىلدى.