استانا. 22 ناۋرىز. نيۋ-يوركتە ءوز ۇيلەرىندە (سۋرەتتە) بولعان ءورتتىڭ سالدارىنان ءدىندى قاتتى ۇستانۋشى ءبىر ەۆرەي وتباسىنىڭ 7 بالاسى قازاعا ۇشىرادى. بۇل تۋرالى قالالىق ءورت دەپارتامەنتىنىڭ مالىمەتىنە سۇيەنگەن ۆۆس حابارلادى.
وقيعا كەشە تۇندە نيۋ-يوركتىڭ برۋكلين دەگەن اۋدانىندا ورىن العان. الدىن الا بولجام بويىنشا, ءورت ەلەكتر پليتاسىنىڭ قىزىپ كەتۋىنەن شىققان.
وسى اپاتتان كەيىن وتباسىندا بالالاردىڭ اناسى مەن ءبىر ءجاسوسپىرىم قىزى عانا ءتىرى قالعان. ولار وت قىزىپ جانا باستاعان كەزدە تەرەزەدەن سىرتقى سەكىرىپ ۇلگەرگەن. بىراق قازىر ەكەۋى دە اۋرۋحانادا اۋىر حالدە جاتىر.
نيۋ-يوركتە ءدىندى قاتاڭ ۇستانۋشى ەۆرەي وتباسىلارىنىڭ كوبى ءۇيدى ۇدايى جىلىلىقتا ۇستاۋ ءۇشىن ەلەكتر پليتاسىن اجىراتپاستان پايدالانادى. بۇل ءبىر جاعى ولاردىڭ شاببات ءدىني مەيرامىنىڭ وتتى لاۋلاتىپ جاقپاۋ جونىندەگى تىيىمىن ورىنداۋ ءۇشىن دە كەرەك ەكەن.
مۇرات ايتقوجا.