بۇگىن اقبۇلاق شاعىناۋدانىنداعى ۇيلەرگە گاز جانە كومىرتەك توتىعىنىڭ تارالۋىن انىقتايتىن داتچيكتەر ورناتىلا باستادى, دەپ جازادى Egemen.kz.
«قىس مەزگىلىندە جىلىتۋ قۇرىلعىسىن دۇرىس پايدالانباۋ سالدارىنان ءورت قاۋپى ارتادى. سول سەبەپتى تۇرعىندارعا نەگىزگى ءورت قاۋىپسىزدىگى تالاپتارىن تۇسىندىرەمىز. قاتتى وتىنمەن نەمەسە تابيعي گازبەن جۇمىس ىستەيتىن جىلىتۋ جۇيەلەرىنىڭ ءاردايىم جارامدى بولۋىن قاداعالاۋدى ەسكەرتەمىز», دەدى الماتى قالاسى تجد مەملەكەتتىك ءورت باقىلاۋ باسقارماسىنىڭ باسشىسى كونستانتين كانين.
سونداي-اق ماماندار شاعىناۋدانداعى ءالى گازعا قوسىلماعان ۇيلەردى دە ارالاپ كوردى.
60 جەكە ءۇي تەكسەرىلىپ, 10 كومىرتەك توتىعى داتچيگى ورناتىلدى.
جىل باسىنان بەرى شاعىناۋداندا تۇرعىن ۇيدەگى قاۋىپسىزدىك ماسەلەسىنە قاتىستى م ۇلىك يەلەرىنىڭ بىرلەستىگى, پاتەرلەر يەلەرىنىڭ كووپەراتيۆى جانە كوندومينيۋمدارمەن بىرلەسىپ165 جينالىس وتكىزىلگەن.
2018 جىلدان بەرى قالا جانە اۋدان اكىمدىكتەرىنىڭ قولداۋىمەن الماتىلىقتاردىڭ ۇيىنە 1 628 كومىرتەگى توتىعى داتچيگى ورناتىلعان. قوسىمشا تاعى 642 قۇرىلعى ساتىپ الىنىپ, قالا اۋداندارىنداعى ۇيلەردى داتچيكپەن قامتۋ ءىسى جالعاسادى.