«قازاقستان قالالىق باسقارۋ سالاسىندا, سونىڭ ىشىندە, اقىلى تۇراق جۇيەسىندە تسيفرلىق شەشىمدەردى بەلسەندى تۇردە قولدانىسقا ەنگىزۋدە. بۇل ءۇردىس جايلى جاعداي جاساپ, كولىك اعىنىن وڭتايلاندىرۋعا باعىتتالعان. الايدا, ءىس جۇزىندە الماتى مەن استانا سياقتى ءىرى مەگاپوليستەردە بۇل يدەيانىڭ جۇزەگە اسىرىلۋى ازاماتتار تاراپىنان زاڭدى سۇراقتار تۋعىزادى. اقىلى تۇراقتار باستاپقىدا قالا ورتالىعىنداعى كەپتەلىستى ازايتۋ ماقساتىندا قۇرىلعان. بىراق, بۇگىندە ولار, ءتىپتى, تۇرعىن ءۇي اۋداندارىندا دا جاپپاي ورناتىلۋدا. تۇرعىندار ءوز اۋلاسىندا, ءۇيىنىڭ الدىندا تۇراق ءۇشىن اقى تولەۋگە ءماجبۇر. ناتيجەسىندە, بۇل مىڭداعان قازاقستاندىقتار ءۇشىن قوسىمشا قارجىلىق اۋىرتپالىق تۋدىرىپ وتىر», - دەپ جاريالادى ولجاس نۇرالدينوۆ ءوزىنىڭ دەپۋتاتتىق ساۋالىندا.
ونىڭ ايتۋىنشا, قازىرگى جۇيەدە تولەم ادىستەرىن تاڭداۋ مۇمكىندىگى جوق.
«كوپتەگەن تۇراق ايماقتارىندا تەك QR كود نەمەسە ءموبيلدى قوسىمشا ارقىلى عانا تولەم جاساۋ مۇمكىندىگى بار. دەگەنمەن, قوسىمشالار كەيدە قولجەتىمسىز بولىپ, ينتەرنەت ىستەمەي, بانك كارتاسى ۋاقىتشا بۇعاتتالعان جاعدايلار بولىپ جاتادى. جالعىز امال - قولما-قول اقشامەن تولەۋ, بىراق, كوپ جاعدايدا سوعان ارنالعان تۇراق تەرمينالدارى جوقتىڭ قاسى. مۇنداي ازاماتتارعا بالاما تاسىلدەردى ۇسىنۋدىڭ ورنىنا, جۇيە ت100 تۇراتىن تۇراق ورنى ءۇشىن بىردەن ت4000 ايىپپۇل سالادى. الايدا, زاڭنامادا قولما-قول اقشامەن دە, قولما-قول اقشاسىز دا تولەمدەر جاساۋ مۇمكىندىگى ناقتى كورسەتىلگەن, سوندىقتان, قولما-قول اقشامەن تولەم جاساۋ ءتاسىلىنىڭ جوقتىعى ازاماتتاردىڭ قۇقىقتارىنا جانە قولجەتىمدىلىك قاعيداتىنا قايشى كەلەدى», - دەدى دەپۋتات.
ول تسيفرلاندىرۋ ادامداردىڭ ءومىرىن ىڭعايلى ەتىپ, كەدەرگىلەردى جويۋ ءۇشىن جاسالعانىن, بىراق بۇل جاعدايدا كەرىسىنشە, كەدەرگىلەر مەن قولايسىزدىقتار تۋىنداپ جاتقانىن ەسكە سالدى.
«وعان قوسا, تۇراق وپەراتورلارى باسەكەلەستىگى جوق ورتادا جۇمىس ىستەۋدە, ياعني, ازاماتتار جۇمىستا, نە ءۇيىنىڭ جانىندا كولىكتەرىن تۇراققا قويار كەزدە تاڭداۋ مۇمكىندىگىنەن ايىرىلىپ, بەلگىلى ءبىر وپەراتوردىڭ عانا قىزمەتتەرىن, جۇيەسى مەن تولەم ءادىسىن پايدالانۋعا ءماجبۇر بولىپ وتىر. ەڭ باستىسى, قارجىلىق اعىنداردىڭ اشىقتىعى ماسەلەسى. استانا مەن الماتىداعى اقىلى تۇراق جۇيەلەرى ارقىلى جىل سايىن ميللياردتاعان تەڭگە جينالادى, بىراق بۇل قاراجاتتىڭ قالاي بولىنەتىنى نەمەسە بيۋدجەتكە قانشاسى تۇسەتىنى تۋرالى دەرەكتەر جوق», - دەپ قوستى ماجىلىسمەن.
دەپۋتاتتىڭ مالىمدەۋىنشە, ازاماتتار بۇل قاراجاتتىڭ اباتتاندىرۋ نەمەسە قالا كوركىن جاقسارتۋ تۇرىندە قايتارىلىپ جاتقانىن كورىپ وتىرعان جوق.
«ەگەر وپەراتورلار قوعامدىق كەڭىستىكتەردى (تۇراقتار سوعان جاتادى) باسقارۋ قۇقىعىنا يە بولسا, دەمەك, قوعام الدىندا اشىق بولىپ, ازاماتتاردىڭ قۇقىقتارىن قۇرمەتتەۋگە مىندەتتى. بۇرىنعى جىلدارى ەسكى قازاقستانداعى سىبايلاس جەمقورلىق جانجالدارىنىڭ ءبىرى ءدال وسى اقىلى تۇراقتار بولعان. وسىعان بايلانىستى, «اق جول» فراكتسياسى ءاربىر پايدالانۋشىعا جەڭىلدىكپەن ەكى تۇراق مەكەنجايىن تاعايىنداۋ قاجەت دەپ سانايدى: تۇرعىلىقتى جەرىندە تاۋلىك بويعى جانە جۇمىس ۋاقىتىندا جۇمىس ورنىنداعى تۇراق. «قازاۆتوجول» اق قالا ماڭىنداعى اۋىلداردىڭ تۇرعىندارىنىڭ اقىلى جولدار ارقىلى كۇندەلىكتى قالاعا جۇمىسقا بارۋى ءۇشىن وسى ەڭ تومەنگى باعامەن تولەۋ ءتاسىلىن قولدانعان», - دەپ مىسال كەلتىردى دەپۋتات.
فراكتسيانىڭ پىكىرىنشە, تۇراق تولەمدەرىنىڭ وسىعان ۇقساس مەحانيزمى تاريفتەردى الدەقايدا ءادىل ەتەدى.
«سونداي-اق, ءاربىر تۇراق ايماعى قولما-قول اقشانى قوسا العاندا, بارلىق تولەم تۇرلەرىن قابىلدايتىن تۇراق پاركوماتتارىمەن جانە بەينەباقىلاۋ كامەرالارىمەن جابدىقتالۋى كەرەك دەپ سانايمىز. قىزمەت ءۇشىن اقى تولەگەن كەزدە تۇرعىندار كولىگىنىڭ تەك ورىن الىپ قانا قويماي, سونىمەن قاتار باقىلاۋدا ەكەندىگىنە سەنىمدى بولۋى كەرەك», - دەپ اتاپ ءوتتى پارتيا مۇشەسى.
سونىمەن قاتار, «اق جول» فراكتسياسى اقىلى تۇراق وپەراتورلارى مەن اكىمدىكتەر (سونىڭ ىشىندە, «الماتى تۇراق» مكك جانە «استانا تۇراق» جشس) اراسىنداعى كەلىسىمدەرىنىڭ شارتتارىن جاريا ەتۋدى جانە ولاردىڭ قىزمەتىنە اۋديت جۇرگىزۋدى ۇسىندى.
«ەگەر بۇل كەلىسىمشارتتار قالا ءۇشىن ءتيىمسىز بولسا, نەگىزگى پايدا جەكە بىرەۋدىڭ قالتاسىنا ەمەس, قالا بيۋدجەتىنە تۇسەتىندەي ەتىپ ولاردىڭ شارتتارىن قايتا قاراۋ كەرەك. قارجىلىق ەسەپتىلىكتىڭ ءماسليحاتتاردا جانە باسپاسوزدە تۇراقتى جاريا ەتىلۋىن قامتاماسىز ەتۋ قاجەت», - دەپ تالاپ ەتتى نۇرالدينوۆ.