الماتىنىڭ جەتىسۋ اۋدانىنداعى جەكە تۇرعان ەكى قاباتتى قويمادا ءورت شىقتى, دەپ حابارلايدى Egemen.kz.
توتەنشە جاعدايلار مينيسترلىگىنىڭ حابارلاۋىنشا, جەرگىلىكتى جەردە جەدەل شتاب اشىلىپ, 3 جاۋىنگەرلىك ۋچاسكە ۇيىمداستىرىلدى. وقپاندار ەنگىزىلىپ, سۋ ۇزدىكسىز بەرىلدى.
وتتىڭ ودان ءارى تارالۋىن بولدىرماۋ ءۇشىن شاتىر اشىلعان.
– قۇتقارۋشىلار كونسترۋكتسيالاردى توگىپ, جەكە ەلەمەنتتەردى الىپ تاستايدى, تەحنيكالىق ساڭىلاۋلار جاسايدى, – دەلىنگەن حابارلامادا.
تجم ساعات 09:59-دا ءورت وقشاۋلانعانىن حابارلادى.
زارداپ شەككەندەر جوق.
ءورت سوندىرۋشىلەر عيماراتتى سۋىتۋ جانە كونسترۋكتسيالاردى بولشەكتەۋ جۇمىستارىن جالعاستىرىپ جاتىر. وتتىڭ كورشىلەس عيماراتتارعا تاراۋ قاۋپى جوق.
ءورتتى سوندىرۋگە شامامەن 80 ادام مەن 21 بىرلىك تەحنيكا, سونداي-اق ءورت ءسوندىرۋ اۆتوپوەزى جۇمىلدىرىلدى.