الماتىدا رەسپۋبليكالىق «قاۋىپسىز جول» جەدەل پروفيلاكتيكالىق شاراسى اياسىندا جول قوزعالىسى ەرەجەلەرىن تۇراقتى ساقتاپ, جولاۋشىلاردى قاۋىپسىز تاسىمالداپ جۇرگەن ون جۇرگىزۋشى ماراپاتتالدى, دەپ حابارلايدى Polisia.kz.
ءىس-شارا بارىسىندا ولارعا تارتىپتىلىگى مەن جاۋاپكەرشىلىگى ءۇشىن سەرتيفيكاتتار, العىس حاتتار جانە ەستەلىك سىيلىقتار تابىستالدى.
«بۇگىن ءبىز كۇندەلىكتى تارتىبىمەن وزگە جول قوزعالىسىنا قاتىسۋشىلارعا ۇلگى بولىپ جۇرگەن ازاماتتاردى اتاپ وتۋدەمىز. ەرەجەنى ساقتاۋ – جاي فورمالدىلىق ەمەس. ول, اسىرەسە ءىرى مەگاپوليستە, كولىك اعىنى جىل سايىن كوبەيىپ كەلە جاتقان جاعدايدا, تۇرعىندار قاۋىپسىزدىگىنە تىكەلەي ىقپال ەتەدى», – دەدى الماتى قالالىق پوليتسيا دەپارتامەنتى اكىمشىلىك پوليتسيا باسقارماسىنىڭ باستىعى سەرىك شۇماەۆ.
ماراپاتتاۋ شاراسى قالاداعى ءبىر كولىك كومپانياسىنىڭ قولداۋىمەن ءوتتى.