استانادا وتكەن Silk Way Star حالىقارالىق مۋزىكالىق بايقاۋىنىڭ فينالىندا ازەربايجان مەن ارمەنيا وكىلدەرى اراسىنداعى اسەرلى ءسات كورەرمەننىڭ نازارىن اۋداردى, دەپ جازادى Egemen.kz.
ازەربايجاننان كەلگەن قازىلار القاسىنىڭ مۇشەسى ساميرا ەفەندي فيناليست سارو گەۆورگياندى ساحنادا قۇشاقتاپ, وعان جىلى لەبىزىن ءبىلدىردى. سونىمەن قاتار ازەربايجان ارمەنيا وكىلىنە ەڭ جوعارى – 12 بالل قويدى.
بۇل ءسات ازەربايجان مەن ارمەنيا اراسىنداعى ساياسي جاقىنداسۋ كونتەكستىندە ەرەكشە مانگە يە. تامىز ايىندا ەكى مەملەكەت اسكەري قاقتىعىستان باس تارتۋ تۋرالى دەكلاراتسياعا قول قويعان بولاتىن. جاقىندا ارمەنيا پرەمەر-ءمينيسترى نيكول پاشينيان «ارمەنيا مەن ازەربايجان اراسىنداعى بەيبىتشىلىك الماتى دەكلاراتسياسىنا نەگىزدەلەدى» دەپ مالىمدەپ, قازاقستان پرەزيدەنتىنە ريزاشىلىعىن ءبىلدىردى.
كورەرمەندەر مەن الەۋمەتتىك جەلى قولدانۋشىلارى بۇل جاعدايدى مادەنيەت پەن ونەردىڭ حالىقتاردى جاقىنداستىراتىن قۋاتتى كۇشى رەتىندە باعالاپ جاتىر.