استانادا بىرنەشە تۇرعىن ءۇي جارىقسىز قالدى

– 22 قاراشا كۇنى ساعات 01:06–دا رپ-217-ءنى قورەكتەندىرەتىن № 106 جانە № 210 ۇياشىقتارى اجىراپ, قوسالقى ستانتسيادا تەحنولوگيالىق اقاۋ تىركەلدى. وقيعا ورنىنا وپەراتيۆتىك-جەدەل بريگادالار 01:09–دا كەلىپ, رپ-217 جۇمىسىنىڭ بۇزىلعانىن راستادى, – دەلىنگەن كومپانيا حابارلاماسىندا.

كومپانيا مالىمەتىنشە, قازىرگى ۋاقىتتا ەلەكترمەن جابدىقتاۋدى قالپىنا كەلتىرۋ جۇمىستارى جۇرگىزىلىپ جاتىر.

– اۆاريا سالدارىن جويۋعا وپەراتيۆتىك-جەدەل قىزمەتتىڭ ءۇش بريگاداسى, سونداي-اق ەسىل رەس-ءىنىڭ, سىناق جانە دياگنوستيكا قىزمەتىنىڭ جانە كابەلدىك جەلىلەر قىزمەتىنىڭ بريگادالارى جۇمىلدىرىلدى, – دەپ اتاپ ءوتتى مەكەمە.

اقاۋ سالدارىنان بىرنەشە تۇرعىن ءۇي كەشەندەرى جارىقسىز قالدى. اتاپ ايتقاندا, «زەلەنىي كۆارتال», «اۋرا», «اسىل مۇرا», «Freedom», «GreenLine. Headliner Exclusive 1», «GreenLine Astra» جانە «GreenLine. Flora».

– مينيمالدى تۇرمىستىق قاجەتتىلىكتەردى قامتاماسىز ەتۋ ءۇشىن ديزەل-گەنەراتورلىق قوندىرعىلار قوسىلدى, – دەلىنگەن حابارلامادا.