استانا. 22 ناۋرىز. بولگاردىڭ اۋىر اتلەتيكادان وليمپيالىق چەمپيونى ميلەن دوبرەۆ كەشە ۇيىندە ءولى كۇيىندە تابىلدى. بۇل تۋرالى RT.com حابارلادى.
«اۋىر اتلەتيكادان وليمپيالىق ويىنداردىڭ 2004 جىلعى چەمپيونى ميلەن دوبرەۆ ۇيىندە ءولىپ جاتقان كۇيى تابىلعان», - دەلىنگەن Reuters حابارلاماسىندا. مانبەنىڭ جەتكىزۋىنشە, 35 جاستاعى بولگار سپورتشىسىنىڭ ءمايىتىن ءبىرىنشى بولىپ ونىڭ اتا-اناسى كورگەن.
بولگاريا ىشكى ىستەر مينيسترلىگى وكىلىنىڭ ايتۋىنشا, مارقۇمدى الدەكىمنىڭ زورلىق جولىمەن ولتىرگەنى بايقالمايدى. بىراق سپورتشىنىڭ ءولۋ سەبەبى دە ءالى انىقتالعان جوق.
دوبرەۆ 2004 جىلى افينادا وتكەن وليمپيادادا 94 كيلوعا دەيىنگى سالماقتا توپ جارىپ ەدى. ول سونداي-اق 2003 جىلى الەم چەمپيوناتىندا دا التىن مەدال جەڭىپ العان بولاتىن.
دامير قوجامقۇل.