قاراعاندىدا كاسىپكەردى قورقىتىپ, 700 مىڭ دوللار تالاپ ەتكەن كۇدىكتى ۇستالدى. 47 جاستاعى قالا تۇرعىنى پوليتسياعا بەيتانىس ادامداردىڭ قىسىم كورسەتىپ جۇرگەنىن ايتىپ شاعىمدانعان. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.
ولار كاسىپكەر مەن ونىڭ وتباسى مۇشەلەرىن قورقىتىپ, مۇلكىنە زيان كەلتىرىپ, 700 مىڭ دوللار تالاپ ەتكەن. اتالعان فاكتى بويىنشا قىلمىستىق ءىس قوزعالدى. جەدەل-ىزدەستىرۋ شارالارىنىڭ ناتيجەسىندە 30 جاستاعى كۇدىكتى انىقتالىپ, قولعا ءتۇستى. ول ۋاقىتشا ۇستاۋ يزولياتورىنا قامالدى.
قاراعاندى قالاسىنىڭ مامانداندىرىلعان تەرگەۋ سوتى كۇدىكتىنى قاماۋدا ۇستاۋ تۋرالى سانكتسيا بەردى. قازىر تەرگەۋ جالعاسۋدا.