اقتوبەدە ايەل «دەكرەتكە ميلليونمەن» كۋرسىن وقىپ الىپ, 180 ملن تەڭگەنى جىمقىرعان مۇعالجار اۋدانى قاندىاعاش قالاسىنىڭ تۇرعىنى, 30 جاستاعى جەكە كاسىپكەر ايەل بوسانۋىنا جانە ءسابي كۇتىمىنە بايلانىستى دەكرەتتىك دەمالىسقا شىعاتىن 41 ايەلگە الاياقتىق جولمەن الەۋمەتتىك تولەمدەر الىپ بەرىپ, مەملەكەتكە 180 ميلليون تەڭگەدەن استام زالال كەلتىرگەن, دەپ جازادى Egemen.kz.
ول وسى قىلمىسى ءۇشىن 5 جىل 6 اي مەرزىمگە سوتتالدى .مۇعالجار اۋداندىق سوتىنىڭ حابارلاۋىنشا, سوتتالۋشى ەسەپ-قيساپ جانە سالىقتىق تولەمدەردى جۇرگىزۋدى «دەكرەتكە ميلليونمەن» كۋرسىنان وقىپ الىپ جۇزەگە اسىرعان. ول اقتوبە, ماڭعىستاۋ, قىزىلوردا, تۇركىستان وبلىستارىنىڭ دەكرەتتىك دەمالىسقا شىعاتىن ايەلدەرىن ءوز فيرماسىنا تىركەپ, ولاردىڭ اتىنان زەينەتاقى جارناسى مەن الەۋمەتتىك تولەمدەر تولەپ وتىرعان.
تەكسەرۋ بارىسىندا وسى ىسكە قاتىسقانداردىڭ ەشقايسىسى دا جەكە كاسىپكەردىڭ قاراماعىندا جۇمىس ىستەمەگەنى انىقتالىپ, قىلمىستىق rودەكستىڭ ءىرى كولەمدەگى الاياقتىق بابىمەن قىلمىستىق ءىس قوزعالدى. سوت پروتسەسىندە پروكۋرور سوتتالۋشىعا 6 جىل 8 اي مەرزىمگە باس بوستاندىعىنان ايىرۋ جازاسىن تاعايىنداۋدى ۇسىندى. الايدا اۋداندىق سوت سۋدياسى جازا مەرزىمىن تومەندەتىپ, ايىپتالۋشىنىڭ بالالارى 14 جاسقا جەتكەنگە دەيىن تۇرمەگە قامالمايتىنى تۋرالى شەشىم شىعاردى.
سوت ۇكىمى كۇشىنە ەنگەننەن كەيىن مەملەكەتتىك الەۋمەتتىك ساقتاندىرۋ قورىنىڭ اقتوبە فيليالى زاڭسىز دەكرەتتىك تولەمدەر العان 41 ايەلدەن قاراجاتتى كەرى قايتارۋدى تالاپ ەتپەكشى.
ايتا كەتۋ كەرەك, وسى جىلدىڭ جازىندا اقتوبە قالاسىنىڭ سوتى زاڭسىز دەكرەتتىك تولەمدەر الىپ بەرگەن ەكى ەسەپشىنىڭ ءىسىن قارادى. ولار دا جەكە كاسىپكەر رەتىندە تىركەلىپ, وننان استام ايەلدى 13 جەكە كاسىپكەردىڭ قاراماعىنا «جۇمىسقا ورنالاستىرىپ», مەملەكەتتەن 98 ميلليون تەڭگە الەۋمەتتىك تولەم الىپ بەرگەن.
قازىرگى ۋاقىتتا ولار زاڭسىز يەلەنگەن الەۋمەتتىك تولەمدەردى قايتارىپ جاتىر. بۇل ءىس بويىنشا الاياقتىققا بارعانداردىڭ دا bنتەرنەتتەن «دەكرەتكە ميلليونمەن» كۋرسىن وقىپ, ارەكەت ەتكەندەرى بەلگىلى بولدى.