وڭىرلىك بيزنەس قارقىنى

مەملەكەتتىك قولداۋدىڭ تيىمدىلىگىن سەزىنگەن كاسىپورىن­­داردىڭ ءبىرى – «Sigma Corporation» جشس. بۇل كومپا­نيا ەلىمىزدە كابەلدەردىڭ بارلىق تۇرىنە ارنالعان مۋفتالاردى وندىرەتىن بىرەگەي زاۋىت سانالادى. ونىمدەرى ەلەكتر جەلىلەرىنىڭ قاۋىپسىزدىگىن قام­تاماسىز ەتىپ, مونتاجداۋ جۇ­مىس­ىن جەڭىلدەتەدى. 2010 جىلى قۇرىلعان كاسىپورىن بۇگىندە 50-دەن استام ادامدى تۇراقتى جۇمىسپەن قامتىپ وتىر. ءوندىرىس الەۋەتىن ارتتىرۋدى جوسپارلاعان كومپانيا 2023 جىلى «دامۋ» قورىنىڭ سۋبسيديالاۋ باعدارلاماسى بويىنشا اينالىم قاراجاتىن تولىقتىرۋ ماقساتىندا نەسيە العان. سوسىن مەملەكەتتىك قول­داۋ­دىڭ ارقاسىندا جىلدىق 13,25 پايىزىن مەملەكەت ەسە­بىنەن وتەتكەن.

– «دامۋ» قورىنىڭ قول­­­­داۋى ارقاسىندا وندى­رىس­­تىك با­زامىزدى جاڭا دەڭ­گەيگە كوتەرىپ, ەكى جاڭا تەح­نو­لوگيالىق جەلى­نى ىسكە قو­سۋ­عا مۇمكىندىك ال­دىق. قازىر جاب­دىقتار ورناتىلىپ, سىناقتان وتكىزىلىپ جاتىر, – دەيدى كوم­پانيانىڭ كوممەرتسيالىق ديرەكتورى كسەنيا رۋساكوۆا.

كاسىپورىننىڭ الداعى جوس­پارى دا اۋقىمدى. 2026 جىل­عا دەيىن جالپى اۋدانى 1 800 شارشى مەتر جاڭا وندىرىستىك تسەح سالۋ كوزدەلگەن. بۇل جوبا ءوندىرىس كولەمىن ۇل­عايتىپ, جاڭا جۇمىس ورىن­دارىن اشۋعا جانە يمپورتقا تاۋەلدىلىكتى ازاي­تۋعا باعىت­تال­عان. ەڭ باستى­سى, پايدالانىلاتىن شيكىزات­تىڭ باسىم بولىگى وتاندىق ءونىم.

قاراعاندىلىق «WEC Trade» كومپانياسى – اۆتوحي­­ميا سالاسىنداعى وتاندىق برەند­تەردىڭ ءبىرى. ءىستى 2016 جىلى جەكە اۆتوجۋ ورتالىقتارىنا ارنالعان قۇرالدار شىعارۋدان باستاعان كاسىپورىن بۇگىندە ەكولوگيالىق تازا, دەنساۋلىققا زيانسىز جانە حالىقارالىق ستاندارتتارعا ساي ءونىم وندى­رە­تىن زاماناۋي زاۋىتقا اينال­دى. قازىرگى ۋاقىتتا كومپانيا 90-عا جۋىق ءتۇرلى ءونىم شىعارادى. 2025 جىلى جوبا «ورلەۋ» جەڭىلدەتىلگەن نەسيە باعدارلاماسى ارقىلى 120 ميلليون تەڭگەگە قار­جى­لان­دىرىلىپ, «كە­پىل­­دىك قو­رى – 1» باع­­دار­لاماسى بويىن­شا 29 ميل­­­ليون تەڭگە كەپىلدىككە يە بولدى. بۇل قاراجات وندىرىستىك قۋاتتى كەڭەيتىپ, جاڭا جۇمىس ورىندارىن اشۋعا جول اشتى.

– ءبىزدىڭ جۋ قۇرالدارى­مىز ەكولوگيالىق تۇرعىدان قاۋىپسىز, باعاسى قولجەتىمدى. اي سايىن شامامەن 120 توننا ءونىم شىعارامىز. قاراعاندى, الماتى, جەزقازعان, استانا قالالارىندا قوي­ما­لارى­مىز بار. قازىر ونىم­دەرىمىز Wildberries پەن Ozon ماركەت­پلەيس­تەرى ارقىلى ساتىلادى,– دەيدى كومپانيانىڭ ماركە­تو­لو­گى دينا بەدەلباەۆا.

كومپانيا جۋىردا قا­لاداعى قوعامدىق ورىنداردا پايدا بولعان بوياۋ ىزدەرىن كەتىرۋگە ارنالعان ارنايى سۇيىقتىق جاساپ شىعارعان. بۇل ولاردىڭ زەرتتەۋ جانە ين­نوۆاتسيالىق الەۋەتىنىڭ جوعارى ەكەنىن دالەلدەيدى.

وڭىردەگى تاعى ءبىر تابىس­تى كاسىپورىن – «كوتلى KZ» جشس. كومپانيا «گورنياك» ماركاسىمەن اۆتوماتتى جىلىتۋ قازاندىقتارىن شىعارا­دى. بۇگىندە ەلىمىزدەن بولەك, رەسەي مەن قىرعىزستان نارىعىنا دا ءونىم ەكسپورتتاپ وتىر. ءونىم جەلىسىنە كومىرمەن, گازبەن جانە ەلەكترمەن جۇمىس ىستەيتىن قازاندىقتار, مونشا پەشتەرى, اۆتوماتيكا جۇيەلەرى مەن سورعىلار كىرەدى. كومپانيانىڭ ءوز پاتەنت­­تەرى بار, ال ءوندىرىس ۇدەرىسىندە گەرمانيادان اكە­لىن­گەن KUKA دانەكەرلەۋشى روبوتى قولدانىلادى.

2023 جىلى كاسىپورىن «2021–2025 جىلدارعا ار­نال­عان كاسىپكەرلىكتى دامىتۋ جونىن­دە­گى ۇلتتىق جوبا» اياسىندا «Bank RBK» ارقىلى نەسيە الىپ, قاراجاتتى ون­دىرىستىك عيماراتتى ساتىپ الۋ مەن جاڭعىرتۋعا جۇمسادى. ول سومانى «دامۋ» قورى جىلدىق 12,75 پايىزدىق مول­شەرلەمەنى سۋبسيديالادى. قازىر كاسىپورىندا 300-گە جۋىق ادام ەڭبەك ەتەدى. ولار جىل سا­يىن 15 مىڭنان استام جىلىتۋ قۇرىلعىسىن شى­عارادى.

– مەملەكەت پەن «دامۋ» قورى­نىڭ قولداۋى ارقا­سىندا ءوندىرىستى ءبىر نۇكتەگە شوعىر­لان­دىرىپ, بارلىق ۇدەرىستى 30 پايىزعا ءتيىمدى ەتتىك. بيزنەس دامۋى ءۇشىن مۇنداي قولداۋ – باعا جەتپەس مۇمكىندىك, – دەيدى كاسىپورىن باسشىلىعى.

قاراعاندى ءوڭىرى بويىنشا ءبىز اتاپ وتكەن ءۇش كاسىپورىن – مەملەكەتتىك قولداۋدىڭ ناقتى ناتيجەسىن كورسەتەتىن جارقىن مىسالدار. يننوۆاتسيا, ساپا, ەڭبەكقورلىق توعىسقاندا ەكو­نوميكالىق سەرپىن دە, الەۋ­مەت­تىك تۇراقتىلىق تا ارتا تۇسەدى. «دامۋ» قورىنىڭ باع­دار­لامالارى كاسىپكەرلەرگە تەك قارجىلاي دەمەۋ ەمەس, سونىمەن بىرگە ءوندىرىس مادەنيەتىن جاڭعىرتىپ, وتاندىق ءونىمنىڭ ساپاسىن حالىقارالىق دەڭ­گەيگە كوتەرۋگە مۇمكىندىك بەرىپ وتىر.

قاراعاندى وبلىسى