استانا. 21 ناۋرىز. بۇگىن فۋتبولدان قازاقستان پرەمەر-ليگاسىنىڭ 4-تۋر ويىندارى ءوتتى. تۋر بارىسىندا «وقجەتپەس» قاتارىنان ءۇشىنشى جەڭىسىنە جەتسە, «توبىل» ماۋسىمداعى العاشقى گولىن سوقتى. بۇل تۋرالى egemen.kz حابارلادى.
تۋردىڭ باستى ويىنى رەتىندە جانكۇيەرلەر «اقتوبە» مەن «ورداباسى» اراسىنداعى ماتچتى اتادى. دەسەك تە, بۇل ويىندا ەسەپ اشىلعان جوق. ال بىرنەشە جىل ۇزىلىستەن سوڭ پرەمەر-ليگاعا قايتا قوسىلعان كوكشەتاۋدىڭ «وقجەتپەسى» ازىرگە نامىستى قولدان بەرمەۋدە. تاياۋدا رەسەيدەن ەسىمى بەلگىلى دميتري سىچەۆتى الدىرعان كوكشەتاۋلىقتار بۇگىن جاڭا فۋتبولشىسىنىڭ توماعاسىن سىپىردى. كوماندانىڭ باس جاتتىقتىرۋشىسى ۆلاديمير مۇحانوۆ رەسەي فۋتبولشىسىن ماتچتىڭ 78-مينۋتىندا الەكساندر پاۆلوۆتىڭ ورنىنا الاڭعا شىعاردى. جانكۇيەرلەردىڭ نازارىن اۋدارعان ويىن «وقجەتپەستىڭ» جەڭىسىمەن اياقتالدى.
وسىدان ەكى جىل بۇرىن ەۋروپاعا قازاق فۋتبولىنىڭ قالىبىن كورسەتىپ, جانكۇيەرلەردىڭ ىستىق ىقىلاسىنا بولەنگەن «شاحتەردىڭ» بۇگىندە ءحالى مۇشكىل. ءتورت ويىندا ءبىر عانا ۇپايعا يە بولعان «كەنشىلەر» قازىر تۋرنير كەستەسىنىڭ سوڭىندا كەلەدى.
تۋر قورىتىندىسى بويىنشا بارلىعى 10 گول سوعىلدى. سونىڭ ەكەۋى قازاق فۋتبولشىسىنىڭ اتىنا جازىلدى. مەرگەندىگىمەن كوزگە تۇسكەن قاراگوزدەر – ماقسات بايجانوۆ («اتىراۋ») پەن الىبەك بولەشەۆ («وقجەتپەس»).
بۇگىنگى ويىنداردىڭ ناتيجەلەرى:
«تاراز» (تاراز) – «قايرات» (الماتى) 1:0 (1:0)
گول: ا.پيششۋر 29.
«ەرتىس» (پاۆلودار) – «توبىل» (قوستاناي) 1:1 (1:0)
گولدار: گ.سارتاكوۆ 2 – س.موشنيكوۆ 93.
«اتىراۋ» (اتىراۋ) – «استانا» (استانا) 1:1 (0:0)
گولدار: م.بايجانوۆ 62 – ا.گريگورەۆ 56 (اۆتوگول).
«وقجەتپەس» (كوكشەتاۋ) – «جەتىسۋ» (تالدىقورعان) 2:0 (0:0)
گولدار: ل.روتكوۆيچ 68, ءا.بولەشەۆ 75.
«شاحتەر» (قاراعاندى) – «قايسار» (قىزىلوردا) 1:2 (0:1)
گولدار: م.توپچاگيچ 70 – پ.ديموۆ 44, ە.يۋنۋزوۆيچ 88.
«اقتوبە» (اقتوبە) – «ورداباسى» (شىمكەنت) 0:0
ۇزدىك مەرگەندەر:
جەرار گوۋ («قايرات») – 4 گول
روحەر كانياس («استانا»), ماقسات بايجانوۆ («اتىراۋ») – 3 گول
پاتريك تۆۋماسي («استانا») – 2 گول.
5-تۋر ويىندارى 5 ساۋىردە وتەدى:
«قايرات» – «وقجەتپەس»
«جەتىسۋ» – «ەرتىس»
«توبىل» – «شاحتەر»
«قايسار» – «اتىراۋ»
«استانا» – «اقتوبە»
«ورداباسى» – «تاراز»
ەلامان قوڭىر.
دەرەك: egemen.kz.
سۋرەت: i-news.kz.