بۇگىن سۋردليمپيادا ويىندارىندا جەڭىل اتلەتيكادان ۇلتتىق قۇراما سپورتشىلارى ۇزىندىققا, بيىكتىككە سەكىرۋ جانە ءارتۇرلى ديستانتسياعا جۇگىرۋدەن سىنعا ءتۇسىپ جاتىر, دەپ جازادى Egemen.kz.
ۇلتتىق قۇراماسىنىڭ وكىلى فاينا مەيرمانوۆا بيىكتىككە سەكىرۋدەن 1,79 مەتر ناتيجە كورسەتىپ, سۋردليمپيادا ويىندارىنىڭ رەكوردىن جاڭارتىپ, چەمپيونى اتاندى. كۇمىس جۇلدەنى 1,76 م ناتيجەسىمەن بەيتاراپ سپورتشى سۋراۆەتس اننا يەلەنسە, قولا جۇلدەنى 1,67 م ناتيجەسىمەن سلوۆاكيالىق گلوناريك لەيا ەنشىلەدى.
فاينا مەيرمانوۆا – جەڭىل اتلەتيكادان حالىقارالىق دارەجەدەگى سپورت شەبەرى. 2024 جىلى تايبەيدە (تايۆان) وتكەن الەم چەمپيوناتىندا بيىكتىككە سەكىرۋدەن 176 سم ناتيجەسىن كورسەتىپ, 20 جاسقا دەيىنگى سپورتشىلار اراسىنداعى الەمدىك رەكورد ورناتقان. 2024 جىلعى ازيا-تىنىق مۇحيتى ويىندارىنىڭ ۇزىندىققا سەكىرۋدەن چەمپيونى اتاندى. فاينانىڭ جاسى 19-دا, ول شىعىس قازاقستان وبلىسىنىڭ تۋماسى. سپورتپەن 7 جىلعا جۋىق اينالىسىپ كەلەدى.
ەسكە سالساق, سۋردليمپيادا ويىندارىنىڭ العاشقى جارىس كۇنىندە ءبىزدىڭ دزيۋدوشىلار ەل قورجىنىنا 4 مەدال (2 التىن جانە 2 قولا) سالعان بولاتىن.