رەسەي ورتالىق بانكىنىڭ توراعاسى ەلۆيرا نابيۋللينا قازاقستان قارجىگەرلەرىنىڭ كونگرەسىندە رەسەي بانكى ينفلياتسيانىڭ تومەندەۋى مەن ەكونوميكانىڭ تۇراقتى ءوسۋ قارقىنىن قامتاماسىز ەتۋ اراسىندا تەپە-تەڭدىكتى ساقتاي وتىرىپ, اقشا-كرەديت ساياساتىنىڭ وزگەرۋىنە بۇرىنعىسىنشا ۇقىپتى قارايتىنىن ايتتى, دەپ جازادى Egemen.kz.
ء«بىز قاتاڭ اقشا-نەسيە ساياساتىن جۇرگىزدىك, جازدان باستاپ ونى ءبىرشاما جۇمسارتامىز, مۇنى ۇقىپتى, ابايلاپ جاسايمىز. ءبىز ءۇشىن سىن-قاتەر – ستسيللا مەن حاريبدا اراسىندا وتە ءجيى ايتىلىپ وتىرعانداي, ينفلياتسيانى تومەندەتۋ, بىراق ءوسىم وتە جوعارى قارقىننان تەڭگەرىمدى ءوسۋ قارقىنىنا ءوتۋى ءتيىس ەكەنىن ءتۇسىنۋ», دەدى رەسەي بانكىنىڭ توراعاسى.
رەسەي ورتالىق بانك ءىجو ءوسۋ قارقىنىن 1,5-2,5% دەڭگەيىندە تەڭگەرىمدەلگەن دەپ باعالايدى.
«سوڭعى جىلدارى, سونىڭ ىشىندە اۆتوماتتاندىرۋعا, ەڭبەك ونىمدىلىگىنىڭ وسۋىنە قانداي قۋاتتى ينۆەستيتسيا سالىنعانىن كورىپ وتىرمىز. بۇل ەكونوميكا الەۋەتىن, ەكونوميكا ءوسىمىنىڭ الەۋەتتى قارقىنىن ارتتىرۋى مۇمكىن», دەپ اتاپ ءوتتى نابيۋللينا.
رەسەي بانكى نەگىزگى مولشەرلەمەنى ماۋسىم ايىندا 100 بازيستىك تارماققا (ب.پ.) – 20%-عا دەيىن ازايتىپ, 2025 جىلدىڭ جازىندا تومەندەتۋگە كىرىستى. شىلدەدە مولشەرلەمە 200 ب.پ. – 18%-عا دەيىن, قىركۇيەكتە 100 ب.پ. –17%-عا دەيىن, قازاندا 50 ب.پ. – 16,5%-عا دەيىن تومەندەدى.