كوپتەگەن ازاماتتار ءۇشىن اننۋيتەتتىك ءومىردى ساقتاندىرۋ ءالى دە قارجىلىق بروشيۋرالاردان عانا ۇشىراساتىن تۇسىنىك. الايدا, بۇل جيناقتالعان قاراجاتتى ءومىر بويى تۇراقتى ايلىق تولەمگە اينالدىراتىن قارجىلىق تەتىك. اننۋيتەتتىك ءومىردى ساقتاندىرۋ – كليەنتكە ءبىر رەتتىك تولەم ەمەس, ۇزاق ۋاقىت بويى, كوبىنە ءومىرىنىڭ سوڭىنا دەيىن جۇيەلى تابىس اكەلەتىن سيرەك ساقتاندىرۋ ونىمدەرىنىڭ ءبىرى. ياعني, ادام ءبىر رەتتىك جارنا اۋدارادى, ال ساقتاندىرۋ كومپانياسى وعان تۇراقتى تولەمدى قامتاماسىز ەتۋ جونىندە مىندەتتەمە الادى, دەپ حابارلايدى Egemen.kz.
زەينەتاقى اننۋيتەتتەرى ازاماتتارعا مەملەكەتتىك زەينەت جاسىنا جەتپەي-اق زەينەتكەرلىككە شىعۋعا جانە بجزق-داعى جيناقتاردىڭ ورنىنا ساقتاندىرۋ كومپانياسىنان كەپىلدى اي سايىنعى تولەمدەر الۋعا مۇمكىندىك بەرەدى.
قازاقستاندا ەرىكتى اننۋيتەتتىك ساقتاندىرۋ بويىنشا سىيلىاقىلار كولەمى ءوسىپ كەلەدى, ونىڭ باسىم بولىگىن ءدال وسى زەينەتاقى اننۋيتەتتەرى قۇرايدى.
Finprom.kz دەرەكتەرىنە سۇيەنسەك, ەگەر 2021–2023 جىلدارى بۇل باعىتتاعى سىياقىلار كولەمى 91,1 ملرد تەڭگەدەن 140,3 ملرد تەڭگە ارالىعىندا بولسا, 2024 جىلى كورسەتكىش 3-5 ەسە ءوسىپ, 462,7 ملرد تەڭگەگە جەتتى. بيىلعى جىلدىڭ توعىز ايىنىڭ قورىتىندىسى بويىنشا سوما 333,9 ملرد تەڭگەنى قۇراپ, 2024 جىلدىڭ سايكەس كەزەڭىمەن سالىستىرعاندا 11,4% ارتتى.
بۇل رەتتە نارىق قۇرىلىمى وزگەرىسسىز: بارلىق سىياقىلاردىڭ 98%-دان استامى زەينەتاقى اننۋيتەتىنە تيەسىلى. ال وزگە اننۋيتەت تۇرلەرى, ماسەلەن, جازاتايىم وقيعالار نەمەسە ينۆەستيتسيالىق باعدارلامالار نەگىزىندەگى اننۋيتەتتەر پايىزدىڭ ۇزدىكسىز كىشكەنتاي بولىگىن عانا الادى.
سوڭعى ەكى جىلداعى ءوسىم ءومىردى ساقتاندىرۋ نارىعىنىڭ جالپى قۇرىلىمىنا ەلەۋلى وزگەرىس اكەلدى. 2022 جىلى زەينەتاقى اننۋيتەتتەرىنىڭ ساقتاندىرۋ سىيلىاقىلارىنداعى ۇلەسى بار بولعانى 21,5% بولسا, 2024 جىلى ول ەكى ەسەگە جۋىق ءوسىپ, 46,8%-عا جەتتى. بۇل سوڭعى جىلدارداعى ەڭ جوعارى دەڭگەي. جالپى ساقتاندىرۋ نارىعىندا دا ەرىكتى زەينەتاقى اننۋيتەتىنىڭ ۇلەسى 9%-دان 27,2%-عا دەيىن ءوسىپ, بۇل باعىتتىڭ سالاداعى سالماعى ايتارلىقتاي ارتقانىن كورسەتتى.
2025 جىلدىڭ توعىز اي قورىتىندىسى بويىنشا كورسەتكىشتەر ءسال تۇزەلدى: ءومىردى ساقتاندىرۋ كومپانيالارى بويىنشا اننۋيتەتتىك سىياقىلار ۇلەسى 43,3%-عا, ال جالپى ساقتاندىرۋ سىيلىاقىلارىنداعى ۇلەسى 23,5%-عا دەيىن تومەندەدى. سوعان قاراماستان ەرىكتى زەينەتاقى اننۋيتەتى ءومىردى ساقتاندىرۋ سەگمەنتىنىڭ نەگىزگى ءوسىم درايۆەرى بولىپ قالىپ وتىر, ءارى وزگە باعىتتاردى ءوسىم قارقىنى بويىنشا باسىپ وزۋدا. ايتا كەتەرلىگى, نارىق ايرىقشا شوعىرلانعان: ون ءومىردى ساقتاندىرۋ كومپانيالارىنىڭ تەك تورتەۋى بارلىق زەينەتاقى اننۋيتەتى سىيلىاقىلارىنىڭ 95,6%-ىن جيناعان.
سىيلىاقىلاردىڭ بەلسەندى وسۋىمەن قاتار اننۋيتەتتىك كەلىسىمشارتتار بويىنشا تولەمدەر كولەمى دە ارتتى. 2025 جىلدىڭ قاڭتار-قىركۇيەك ايلارىندا زەينەتاقى اننۋيتەتى بويىنشا تولەمدەر 30,7 ملرد تەڭگەگە جەتىپ, وتكەن جىلعى 14,1 ملرد تەڭگەدەن ەكى ەسەدەن كوپ بولدى. اننۋيتەتتىڭ وزگە تۇرلەرى بويىنشا تولەمدەر دە 3,4 ملرد تەڭگەدەن 4,3 ملرد تەڭگەگە دەيىن ءوستى.