"قايراتتىڭ" باس باپكەرى رافاەل ءۋرازباحتيننىڭ شاكىرتتەرى چەمپيوندار ليگاسىنىڭ ماتچىندا الماتىداعى تومەن تەمپەراتۋراعا توتەپ بەرۋگە دايىن ەكەنىن مالىمدەدى, دەپ حابارلايدى Egemen.kz.
باق پەن الەۋمەتتىك جەلىلەردە "سارى-قارالاردىڭ" چەمپيوندار ليگاسىنداعى سوڭعى ىشكى ويىندارىن "استانا ارەناعا" كوشىرۋ مۇمكىندىگى ءجيى تالقىلانىپ ءجۇر.
قازاقستاننىڭ قازىرگى چەمپيوندارىنىڭ باپكەرى بۇل شەشىم جانكۇيەرلەرگە ىڭعايلى بولۋ ءۇشىن قابىلدانۋى مۇمكىن ەكەنىن ايتتى.
- ارينە, باستى نازار جانكۇيەرلەرىمىزگە باعىتتالعان. الماتىدا اۋا رايى سۋىق بولسا, قيىندىقتار بولۋى مۇمكىن, بارلىعى كەلمەۋى دە ىقتيمال. مەنىڭ بىلۋىمشە, بۇل ماسەلە ءالى دە كەلىسسوز ساتىسىندا. فۋتبولشىلار شىدايدى, بىراق جانكۇيەرلەردىڭ جايلىلىعى ماڭىزدى, ولار ءۇشىن جاعداي جاساۋ قاجەت, - دەدى مامان Vesti.kz سايتىنا بەرگەن سۇحباتىندا.
ايتا كەتەيىك, الماتىلىق كلۋب چەمپيوندار ليگاسىنىڭ جالپى كەزەڭىندە ءالى ەكى ءۇي ماتچىن وتكىزەدى. 9 جەلتوقسان كۇنى كوماندا گرەكيانىڭ "وليمپياكوسىمەن", ال 20 قاڭتاردا بەلگيانىڭ "بريۋگگەسىنە" قارسى وينايدى.