ۇكىمەت باسشىسى ولجاس بەكتەنوۆ دەنساۋلىق ساقتاۋ مينيسترلىگى تسيفرلاندىرۋ مينيسترلىگىمەن بىرلەسىپ, دەنساۋلىق ساقتاۋ جۇيەسىنە ءدارى-دارمەك پەن مەديتسينالىق بۇيىمداردى جوسپارلاۋ, تاعايىنداۋ جانە ساتىپ الۋ راسىمدەرىنە قاتىستى جاساندى ينتەللەكتىنى ەنگىزۋ شارالارىن قابىلداۋدى تاپسىردى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
سونىمەن قاتار حالىق تاراپىنان كەلىپ تۇسەتىن ارىز-شاعىمدارعا جەدەل جاۋاپ بەرۋ قاجەت ەكەنىن اتاپ ءوتتى.
دەنساۋلىق ساقتاۋ مينيسترلىگىنە مادەنيەت جانە اقپارات مينيسترلىگىمەن, اكىمدىكتەرمەن بىرلەسىپ, دارىلىك زاتتارمەن قامتاماسىز ەتۋ تۋرالى حالىقپەن تۇراقتى نەگىزدە كەڭ اۋقىمدى اقپاراتتىق-ءتۇسىندىرۋ جۇمىستارىن جۇرگىزۋ تاپسىرىلدى. بۇقارالىق اقپارات قۇرالدارىن, تسيفرلىق پلاتفورمالار مەن الەۋمەتتىك جەلىلەردى جانە وڭىرلىك ءىس-شارالاردى بارىنشا پايدالانۋ كەرەك.
ء«بىزدىڭ مىندەتىمىز – دەنساۋلىق ساقتاۋ سالاسىن بارىنشا اشىق, ادىلەتتى جانە ەڭ باستىسى, ءاربىر ازامات ءۇشىن قولجەتىمدى ەتۋ», دەپ قورىتىندىلادى ءسوزىن پرەمەر-مينيستر ولجاس بەكتەنوۆ. ۇيلەستىرۋ مەن باقىلاۋ پرەمەر-ءمينيستردىڭ ورىنباسارى قانات بوزىمباەۆقا جۇكتەلدى.