قازاقستان پرەزيدەنتى قاسىم-جومارت توقاەۆ «روسسيسكايا گازەتا» باسىلىمىندا جاريالانعان ماقالاسىندا ەلىمىزدەگى تىلدەردىڭ الۋان تۇرلىلىگىن ەرەكشە ارتىقشىلىق دەپ اتاپ ءوتىپ, ورىس ءتىلىن قولداۋدىڭ ماڭىزدىلىعىنا توقتالدى, دەپ جازادى Egemen.kz.
«مەن ءاردايىم تىلدەردىڭ الۋان تۇرلىلىگىن ءبىزدىڭ ەرەكشە ارتىقشىلىعىمىز دەپ سانادىم. قازاقستاندا ونداعان مادەنيەتتىڭ وكىلدەرى بەيبىت ءومىر ءسۇرىپ ءجۇر. ەلدە ورىس ءتىلى ەرەكشە تانىم مەن قولداۋعا يە, سەبەبى ول قوعامنىڭ الەۋمەتتىك-ساياسي, عىلىمي-ءبىلىم بەرۋ جانە رۋحاني ءومىرىنىڭ اجىراماس بولىگى بولىپ سانالادى», دەدى پرەزيدەنت.
مەملەكەت باسشىسىنىڭ ايتۋىنشا, ورىس ءتىلىن قولداۋ ءبىز ءۇشىن حالىقتار اراسىنداعى ديالوگ پەن سەنىمدى نىعايتاتىن كەڭ گۋمانيتارلىق ىنتىماقتاستىقتىڭ ءبىر بولىگى رەتىندە قاراستىرىلادى. سول سەبەپتى, قاسىم-جومارت توقاەۆ حالىقارالىق ورىس ءتىلى ۇيىمىن قۇرۋ باستاماسىن كوتەردى.
«مەنىڭ سەنىمىمشە, قازاقستان جاستارى بىرنەشە ءتىلدى مەڭگەرۋى ءتيىس — قازاق, ورىس تىلدەرىن, سونداي-اق اعىلشىن, قىتاي جانە باسقا دا تىلدەردى ءبىلۋ – بۇل الەمدە تابىسقا جەتۋدىڭ ماڭىزدى شارتى», دەدى ق.توقاەۆ.