مادەنيەت جانە اقپارات مينيسترلىگى 2026 جىلعى قازىرگى زامانعى ونەردىڭ 61-ءشى ۆەنەتسيا بيەننالەسىنە ارنالعان قازاقستاننىڭ ۇلتتىق پاۆيلونىن دايىنداۋ جانە ۇسىنۋ ماقساتىندا كۋراتورلىق وتىنىمدەر قابىلداۋدى باستادى. بايقاۋ ەلدىڭ ونەرىن حالىقارالىق ارەنادا تانىستىرۋعا جانە تۇجىرىمدامالىق ءارى كوركەمدىك تۇرعىدان ءبىرتۇتاس جوبا جاساۋعا باعىتتالعان, دەپ حابارلايدى Egemen.kz.
سونىمەن قاتار, كونكۋرس زەرتتەۋ باستامالارىن قولداۋ, پانارالىق ادىستەردى دامىتۋ جانە جەرگىلىكتى قاۋىمداستىقتارمەن ىنتىماقتاستىقتى ارتتىرۋ ماقساتىندا ۇيىمداستىرىلعان.
«قاتىسۋعا كەمىندە بەس جىلدىق كۋراتورلىق تاجىريبەسى بار قازاقستان رەسپۋبليكاسىنىڭ ازاماتتارى – جەكە كۋراتورلار مەن كۋراتورلىق توپتار شاقىرىلادى. باسىمدىق قازاقستاندا تۇراتىن جانە جۇمىس ىستەيتىن ۇمىتكەرلەرگە بەرىلەدى», دەلىنگەن حابارلامادا.
ۇلتتىق پاۆيلون كورمە باعىتى «مۋزەي ميلياسى» بويىندا ورنالاسادى. الاڭى شامامەن 250 شارشى مەتردى قۇرايدى جانە ارت-وبەكتىلەردى كورسەتۋگە ارنالعان ىشكى اۋلاسى بار.
وتىنىمدەر 2025 جىلعى 9 جەلتوقسانعا دەيىن ەلەكتروندىق پوشتا ارقىلى قابىلدانادى: info@kazakhstanpavilion.kz. بايقاۋ ناتيجەسى 2026 جىلعى 5 قاڭتاردا مينيسترلىكتىڭ رەسمي سايتىندا جاريالانادى.
كونكۋرس شارتتارى مەن تولىق قۇجاتتار مينيسترلىكتىڭ رەسمي سايتىندا «قۇجاتتار» بولىمىندە جاريالانعان. ساراپتامالىق قازىلار القاسىنىڭ قۇرامى حابارلاندىرۋ جاريالانعان كۇننەن باستاپ 7 كۇن ىشىندە جاريالاناتىن بولادى.