اقتاۋ تەڭىز سولتۇستىك تەرمينالى ەكسپورت قارقىنىن كۇشەيتتى

ماڭعىستاۋ وڭىرلىك قوعامدىق كوممۋنيكاتسيا ورتالىعىنىڭ مالىمەتىنشە, بيىل 697 مىڭ توننا جۇك وڭدەلىپ, وتكەن جىلمەن سالىستىرعاندا 187%-عا ارتىق ناتيجە كورسەتىلدى. ەكسپورت كولەمى 537 مىڭ تونناعا جەتىپ, 304% وسىمگە يە بولسا, يمپورت 160 مىڭ تونناعا دەيىن ۇلعايعان.

نەگىزگى جۇك تۇرلەرى بويىنشا دا تۇراقتى ءوسىم بايقالادى. استىق ونىمدەرى 279%-عا ارتىپ, 408 مىڭ تونناعا جەتسە, وزگە جۇكتەر 127%-عا كوبەيىپ, 289 مىڭ توننانى قۇرادى. كونتەينەرلىك تاسىمالدار كولەمى دە ەكى ەسە ارتىپ, 17501 دفە بولدى.

«2018 جىلى پايدالانۋعا بەرىلگەن نىسان زاماناۋي تەحنيكامەن جابدىقتالعان. تەرمينالدىڭ جالپى اۋماعى 39 گەكتاردى قامتيدى, جىلدىق جوبالىق قۋاتتىلىعى – 3 ملن توننا. ونىڭ ىشىندە 2 ملن تونناسى جالپى جۇكتەرگە, 1 ملن تونناسى استىق ونىمدەرىنە تيەسىلى. استىق تەرمينالى ءبىر مەزەتتە 60 مىڭ تونناعا دەيىن استىق ساقتاۋعا مۇمكىندىك بەرەدى», دەيدى ينجينيرينگ جانە قاۋىپسىزدىك جونىندەگى ديرەكتور ەرمەك مولدابەكوۆ.