2025 جىلدىڭ قازان ايىندا استانا, الماتى قالالارىندا جانە توعىز وبلىستا قارۋدىڭ زاڭسىز اينالىمىن توقتاتۋ ماقساتىندا بىرقاتار جەدەل-ىزدەستىرۋ ءىس-شارالارى جۇرگىزىلدى, دەپ حابارلايدى Egemen.kz ۇقك ءباسپاسوز قىزمەتىنە سىلتەمە جاساپ.
وسى ۋاقىت ىشىندە پوليتسيا ورگاندارىمەن بىرلەسە جانە پروكۋراتۋرانىڭ ۇيلەستىرۋىمەن بارلىعى 40 قارۋ بىرلىگى تاركىلەندى. ولاردىڭ ىشىندە جاياۋ اسكەرگە ارنالعان وت اتقىش, ءتورت كالاشنيكوۆ اۆتوماتى, 12 تاپانشا, 23 مىلتىق, بەس گراناتا جانە 800-دەن استام وق-ءدارى بار.
«اتالعان دەرەكتەر بويىنشا تەرگەۋ جانە جەدەل-ىزدەستىرۋ ءىس-شارالارى جۇرگىزىلىپ جاتىر. قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريالاۋعا جاتپايدى, دەلىنگەن حابارلامادا.
ۇقك زاڭسىز قارۋ مەن وق-دارىلەر اينالىمىنا قارسى ءىس-قيمىلدى جالعاستىرىپ كەلەدى.