زەرەندى اۋدانىنداعى شاعالالى وزەنىنىڭ ارناسىن تازالاۋ جانە ءۇش سۋ جيناقتاۋشى توعان سالۋ جۇمىستارىنىڭ 98 پايىزى اياقتالدى. قالعان جۇمىستار بويىنشا توعانداردىڭ ەڭىس بولىگىنە تاس توسەۋ جۇرگىزىلۋى ءتيىس. جوبا «Qazaq Union» جشس «دەمەۋ قازاقستان قورى» كورپوراتيۆتىك قورىنىڭ قارجىلاي قولداۋىمەن جۇزەگە اسىرىلىپ جاتىر, دەپ حابارلايدى Egemen.kz.
وزەن ارناسىن 3,6 شاقىرىمعا تەرەڭدەتىپ, ءۇش توعان سالۋ كوزدەلگەن. ىسكە اسىرۋ مەرزىمى – 17 اي, قۇرىلىس-مونتاج جۇمىستارى جىل سوڭىندا اياقتالماق.
ساندىقتاۋ اۋدانىندا بالكاشينو اۋىلى ماڭىنداعى جاباي وزەنىنىڭ جاعالاۋ سىزىعى بويىندا ارنانى ءتۇبىن تەرەڭدەتۋ جانە جاعالاۋدى نىعايتۋ جۇمىستارى جالعاسۋدا. جوبانى «تسەلينگيدروتەح» سەرىكتەستىگى قولعا العان, قارجىلاندىرۋ «دەمەۋ قازاقستان قورى» ەسەبىنەن قامتاماسىز ەتىلگەن.
جوباعا سايكەس, جاباي وزەنىنىڭ 5,2 شاقىرىمدىق بولىگىندە ارنانى تۇزەۋ جانە تازالاۋ جۇرگىزىلەدى. بۇگىندە ەكى ۋچاسكەدە ارنا تۇزەتىلىپ, تەرەڭدىگى ءۇش مەترگە دەيىن تەرەڭدەتىلدى, جالپى 52 گەكتار اۋماقتا قامىس پەن اعاش وسىمدىكتەرىنەن تازالاۋ جۇمىستارى اتقارىلدى. وڭ جانە سول جاعالاۋدا قورعانىس بوگەتتەرى تۇرعىزىلدى. جالپى ورىندالعان جۇمىستار كولەمى – 95 پايىز, قازىرگى ۋاقىتتا وزەن ءتۇبىن زەمسناريادتارمەن پىسىقتاۋ ءتامامدالىپ قالدى.
اقمولا وبلىسى