پرەزيدەنت ق.توقاەۆ جارلىعىمەن بەكىتىلگەن «قازاقستان رەسپۋبليكاسى ىشكى ساياساتىنىڭ نەگىزگى قاعيداتتارى, قۇندىلىقتارى مەن باعىتتارىن بەكىتۋ تۋرالى» قۇجاتتا قوعام ءۇشىن ماڭىزدى تۇعىرلى يدەولوگيالىق ماسەلەلەر قاراپايىم تىلمەن ۇعىنىقتى جۇيەلەنگەن.
ء«ارتۇرلى كوزقاراس – ءبىرتۇتاس ۇلت» قاعيداتى – بۇگىنگى قازاق قوعامىنىڭ دەرتىنە اينالعان پروبلەمانىڭ وڭ شەشىمى. پىكىر الۋاندىعىنا دا ورىن بەرە وتىرىپ, دەموكراتيالىق قۇندىلىقتاردى بۇزباي, ەلدىڭ مۇددەسىنە ۇيىسۋعا ۇندەيتىن ۇستانىم. ءبىز بىردەي ويلاۋعا مىندەتتى ەمەسپىز, الايدا ءبىر تۋ استىندا تىرشىلىك ەتىپ جاتقاندىقتان تۇپكى مۇددەمىز دە تۇتاسىپ, نىعايۋى كەرەك. وسى ۇلتتىق يدەولوگيا ىسكە اسسا, قوعامنىڭ دا قاۋقارى كۇشەيەدى.
«تازا قازاقستان» قاعيداتى ادام ءومىرىنىڭ بارلىق سالاسىن قامتيدى. «تازا» ءسوزى ەكولوگياعا عانا قاتىستى ەمەس, ول – سانانىڭ, پەيىلدىڭ, ويدىڭ, ءىس پەن ءسوزدىڭ تازالىعى. ءار ادامدى مەملەكەتتى قۇراۋشى تۇلعا دەپ تۇسىنسەك, ارقايسىمىز ازاماتتىعىمىزدى, ارىمىزدى تازا ۇستاۋعا ۇمتىلعانىمىز ابزال. قوقىس تاستاما, دۇرىس سويلە, زاڭ بۇزبا, ادال ەڭبەكپەن اقشا تاپ, اينالاڭا قامقور بول. وسى قاراپايىم مۇرات-ماقسات ءوز مانىندە جۇزەگە اسىرىلسا ەلىمىز كوركەيەدى, وتانىمىز مىزعىماستاي بولىپ بەكي تۇسەدى. ونى ەلىمىزدىڭ ءاربىر ازاماتى كۇندەلىكتى مىندەتىم دەپ قابىلداۋعا ءتيىس. سول تۇرعىدا بۇل قۇجات قالىڭ ەلگە سەرپىلىس بەرەدى دەپ سەنەمىز.
سامات نۇرتازا,
ءماجىلىس دەپۋتاتى