تەننيستەن ساۋد ارابياسىنىڭ استاناسى - ەر-ريادتا ءوتىپ جاتقان WTA-نىڭ قورىتىندى تۋرنيرىندە ەلەنا رىباكينا تابىستى ونەر كورسەتۋدە, دەپ جازادى Egemen.kz.
تۇساۋكەسەر كەزدەسۋىندە الەمنىڭ ءتورتىنشى راكەتكاسى, امەريكالىق اماندا انيسيموۆانىڭ تاس-تالقانىن شىعارعان قازاقستاننىڭ ەڭ ۇزدىك تەننيسشىسى ەكىنشى كەزەڭدە ۇزدىكتەر تىزىمىندە ەكىنشى ورىندا تۇرعان يگا شۆەنتەكپەن شەبەرلىك بايقاستى. باسەكەنىڭ ءبىرىنشى سەتىندە پولشالىق تەننيسشى باسىمدىق تانىتقانىمەن, ودان كەيىن رىباكينا قارقىنىن كۇرت كۇشەيتىپ, قارسىلاسىن باس كوتەرتپەي ۇتتى – 3:6, 6:1, 6:0.
ودان كەيىن ەلەنا مەديسون كيزبەن كۇش سىناسۋعا ءتيىس ەدى. الايدا دەنساۋلىعىنىڭ سىر بەرۋىنە بايلانىستى اقش تەننيسشىسى كورتقا شىعۋدان باس تارتتى. ونى رەسەيلىك ەكاتەرينا الەكساندروۆا الماستىردى. بۇل كەزدەسۋ بۇگىن وتەدى. وسى باسەكەنىڭ ناتيجەسىنە قاراماستان رىباكينا ءوز توبىندا ءبىرىنشى ورىن الىپ, جارتىلاي فينالعا جولداما الدى.