2025 جىلدىڭ 2 قاراشاسى تۇنىندە تۇركىستان وبلىسىنا قاراستى تۇلكىباس اۋدانىندا اتىس قارۋىن قولدانۋ فاكتىسى تىركەلدى. وقيعا سالدارىنان ءبىر ادام كوز جۇمىپ, تاعى ءۇش تۇرعىن جاراقات العان, دەپ حابارلايدى Egemen.kz.
تۇركىستان وبلىسى پوليتسيا دەپارتامەنتىنىڭ مالىمەتىنشە, حابار تۇسكەن ساتتەن باستاپ اۋداندىق پوليتسيا ءبولىمىنىڭ باسشىلىعى مەن جەدەل-تەرگەۋ توبى دەرەۋ وقيعا ورنىنا شىققان. جۇرگىزىلگەن جەدەل ىزدەستىرۋ شارالارى بارىسىندا كۇدىكتىلەردىڭ جەكە باسى انىقتالىپ, ولاردىڭ ءبىرى ۇستالىپ قاماۋعا الىندى.
اتالعان دەرەك بويىنشا قىلمىستىق كودەكستىڭ «ادام ءولتىرۋ» بابىمەن قىلمىستىق ءىس قوزعالدى. قازىر تەرگەۋ امالدارى جالعاسىپ جاتىر. ءتارتىپ ساقشىلارى ەكىنشى كۇدىكتىنىڭ ورنالاسقان جەرىن انىقتاۋعا باعىتتالعان جۇمىستاردى جۇرگىزىپ جاتىر.
ايتا كەتەيىك, تەرگەۋ بارىسى تۇركىستان وبلىسى پوليتسيا دەپارتامەنتى باسشىلىعىنىڭ قاتاڭ باقىلاۋىندا.