وبلىستا جابايى تابيعاتتى قورعاۋ سالاسىندا «براكونەر» اتتى رەسپۋبليكالىق جەدەل-پروفيلاكتيكالىق ءىس-شارا جۇرگىزىلۋدە. ونىڭ باستى ماقساتى – جابايى تابيعاتتى قورعاۋ, براكونەرلىك ءىس-ارەكەتتەردى بولدىرماۋ جانە ەكولوگيالىق قاۋىپسىزدىكتى قامتاماسىز ەتۋ, دەپ حابارلايدى Egemen.kz.
وسى ماسەلە اياسىندا قاراعاندى وبلىسى پوليتسيا دەپارتامەنتى تابيعاتتى قورعاۋ پوليتسياسى قىزمەتكەرلەرى مەن شاحتينسك قالاسى قالالىق پوليتسيا ءبولىمىنىڭ كريمينالدىق جانە پاترۋلدىك قىزمەتكەرلەرى بىرلەسىپ رەيد جۇرگىزدى. رەيد كەزىندە «Nissan Safari» كولىگىن توقتاتقان كەزدە, جۇك سالعىشىنا سويىلعان ەكى كيىك تابىلدى. اڭ اۋلاۋعا رۇقسات قۇجاتى بولماعانى بەلگىلى بولدى. بۇل فاكتى بويىنشا قۇقىق قورعاۋ ورگاندارى تەكسەرىس جۇرگىزىپ, قىلمىستىق ءىس قوزعالعان. تابيعاتتى قورعاۋ – ءاربىر ازاماتتىڭ مىندەتى. «براكونەر» ءىس-شاراسى وڭىردە ءالى دە جالعاسىپ جاتىر.