اتالعان وبلىس اكىمىنىڭ وكىمىمەن 3 قاراشادان باستاپ اتالعان لاۋازىمدى قىزمەتكە قانات بولات ۇلى ەسبولاتوۆ تاعايىندالدى, دەپ حابارلايدى Egemen.kz.
قانات ەسبولاتوۆ 1982 جىلى تۋعان. 2008 جىلى قازاق ۇلتتىق اگرارلىق ۋنيۆەرسيتەتىن «مەملەكەتتىك جانە جەرگىلىكتى باسقارۋ» ماماندىعى بويىنشا تامامداعان.
ەڭبەك جولىن 2002 جىلى «دوسانوۆ» شارۋا قوجالىعى توراعاسىنىڭ ورىنباسارى بولىپ باستاعان.
وبلىس اكىمدىگىنىڭ مالىمەتىنشە, قانات بولات ۇلى ءار جىلدارى الماتى وبلىسى قارجى باسقارماسىنىڭ ەڭبەكشىقازاق اۋدانى بويىنشا ءبىر جولعى تالونداردى بەرۋ جانە ەسەپكە الۋ جونىندەگى ينسپەكتورى, باس ينسپەكتورى, اعا ينسپەكتورى, «Megaron & K» جشس-ءنىڭ قارجى ديرەكتورى, ەسكەلدى اۋدانى كوكجازىق اۋىلدىق وكرۋگىنىڭ اكىمى, ەسكەلدى اۋدانى اكىمىنىڭ ورىنباسارى, الماتى وبلىسى اۋىل شارۋاشىلىعى باسقارماسى باسشىسىنىڭ ورىنباسارى, باسقارما باسشىسى, جەتىسۋ وبلىسى اۋىل شارۋاشىلىعى باسقارماسىنىڭ باسشىسى لاۋازىمدارىن اتقارعان.
2022 جىلدىڭ قىركۇيەك ايىنان باستاپ جەتىسۋ وبلىسى كەربۇلاق اۋدانىنىڭ اكىمى لاۋازىمىندا قىزمەت ەتكەن.