ەكىباستۇز قالاسىنداعى «ونەر» مادەنيەت سارايىندا جاڭا كاسىبي تەاتر اشىلدى. ماۋسىم اقىن مۇقاعالي ماقاتاەۆتىڭ «قوش, ماحاببات!» دراماسىمەن باستالدى, دەپ جازادى Egemen.kz.
قويىلىمنىڭ رەجيسسەرى – ءبيبىاجار ديحان, ول ەكىباستۇزدىق كورەرمەنگە «تاناكوز» سپەكتاكلىمەن تانىس. بۇل قويىلىم كورەرمەنگە ماحابباتتىڭ قۇنىن, ادام جانىنىڭ تەرەڭدىگىن, شىنايى سەزىمدەردىڭ سۇلۋلىعىن جانە تاعدىر دراماسىن پوەتيكالىق ءتىل ارقىلى جەتكىزۋدى ماقسات ەتەدى.
تەاتر ۇجىمىنا قازاقستاننىڭ ءتۇرلى ايماعىنان 12 كاسىبي ءارتىس شاقىرىلدى. تەاتر قىسقا ۋاقىت ىشىندە بىرنەشە قويىلىمدى ساحنالاپ ۇلگەردى. سولاردىڭ ءبىرى – قازاقستاننىڭ ەڭبەك سىڭىرگەن قايراتكەرى الىمبەك ورازبەكوۆتىڭ ء«بىر ءتۇپ الما اعاشى» دراماسى. سپەكتاكلدىڭ قويۋشى-رەجيسسەرى – ادىلەت اقانوۆ.
قويىلىمنىڭ ەرەكشەلىگى – رولدەردى كاسىبي اكتەرلەرمەن قاتار قالا تۇرعىندارى سومدادى. ساحنادا ولاردان بولەك شىعارماشىلىق ۇجىمداردىڭ وكىلدەرى دە ونەر كورسەتتى.