بۇگىن ءماجىلىستىڭ جالپى وتىرىسىندا جالپىۇلتتىق سوتسيال-دەموكراتيالىق پارتياسى فراكتسياسىنىڭ مۇشەسى نۇرلان اۋەسباەۆ ازاماتتاردىڭ اي سايىنعى تۇراقتى جارنالارىنا قاراماستان, مەديتسينالىق قىزمەتتەردىڭ ساپاسى مەن وعان قولجەتىمدىلىك 47%-عا دەيىن تومەندەپ كەتكەنىن ايتتى, دەپ جازادى Egemen.kz.
ول دەنساۋلىق ساقتاۋ مينيسترى اقمارال النازاروۆاعا ءمامس جۇيەسىندەگى مەديتسينالىق قىزمەتتەردىڭ قولجەتىمدىلىگىن ارتتىرۋ جونىندە ساۋال جولداپ, سالاعا قاتىستى قازاقستاندىقتاردىڭ نارازىلىعىن تۋدىراتىن نەگىزگى ماسەلەلەردى اتادى.
ء«مامس پاكەتىنە كىرەتىن قىزمەتتەر, ونىڭ ىشىندە دارىگەرلىك كەڭەستەر, كونسۋلتاتسيالىق-دياگنوستيكالىق قىزمەتتەر قولدان, جاساندى جولمەن قيىنداتىلىپ, ءتىپتى شەكتەلىپ جاتىر. بۇعان ازاماتتار مەن مەديتسينالىق قاۋىمداستىقتاردان كەلىپ تۇسكەن حابارلامالار دالەل بولا الادى. اتاپ ايتقاندا پتسر, يفا, كت جانە مرت سىندى تەكسەرۋلەردى جاساتۋ ءۇشىن تۇرعىندار اپتالاپ كەيدە بىرنەشە اي بويى كەزەك كۇتۋگە ءماجبۇر. ال مۇنداي كۇردەلى دياگنوزداردىڭ ناتيجەسى 10 كۇننەن ارتىققا جارامايتىنى تاعى بەلگىلى. ناتيجە سول, 10 كۇننەن اسىپ كەتسە الەۋمەتتىك مەديتسينالىق ساقتاندىرۋ قورى قورىتىندىنى بەرگەن مەديتسينالىق ۇيىمعا ايىپپۇل سالۋى دا مۇمكىن. بۇل قانشالىقتى قيسىندى بولماق», دەدى نۇرلان اۋەسباەۆ.
دەپۋتات ازاماتتارىمىزدىڭ دەنساۋلىعىن وڭالتۋ كەزىندە تۋىندايتىن بيۋروكراتيالىق ءىس-ارەكەتتەردى سىناپ, كونسۋلتاتيۆتىك-دياگنوستيكالىق قىزمەتتەرگە قولجەتىمدىلىكتى جۇيەلى شەكتەۋ مەديتسينالىق قىزمەتتەردىڭ ساپاسىنىڭ تومەندەۋىنە ىقپال ەتەتىنىن اتاپ ايتتى. ول وسى ماسەلەلەردى وڭتايلى شەشۋ ءۇشىن ءبىرشاما ۇسىنىسىن جەتكىزدى.
ء«بىرىنشى, «بۇگىن جانە قازىر» قاعيداتىنا ساي قولجەتىمدىلىكتى قامتاماسىز ەتۋ ءۇشىن كورسەتىلگەن قىزمەتتەرگە نەگىزدەلگەن تولەمگە كوشۋدى قامتاماسىز ەتۋ. ەكىنشى, مەديتسينالىق ۇيىمداردىڭ كرەديتورلىق بەرەشەگىن وتەۋدى تولىق جانە ۋاقتىلى قارجىلاندىرۋ. ءۇشىنشى, سالانى تسيفرلاندىرۋدى جانە بارلىق مەديتسينالىق اقپاراتتىق جۇيەلەردى ينتەگراتسيالاۋدى كۇشەيتۋ. ءتورتىنشى, ەگەر تاعايىندالعان كلينيكادا ءتيىستى قىزمەت 10 كۇنتىزبەلىك كۇن ىشىندە كورسەتپەسە, كەشەندى مەديتسينالىق كومەك كورسەتۋدى باسقا مەديتسينالىق ۇيىمعا ەش كەدەرگىسىز اۋىستىرۋ. بەسىنشى, ەگەر پاتسيەنت مەملەكەتتىك كلينيكادا قىزمەت الا الماعان جاعدايدا جەكە كلينيكادا ەمدەلۋگە جىبەرۋ مۇمكىندىگىن قاراستىرۋ جانە وسى پاتسيەنتكە مىندەتتى مەديتسينالىق ساقتاندىرۋ قورىنان شىعىندى وتەۋ مۇمكىندىگىن جۇيەلەۋدى قاراستىرۋ», دەدى دەپۋتات.