Deutsche Welle اگەنتتىگىنىڭ حابارلاۋىنشا, اقش-تا پرەزيدەنت دونالد ترامپتىڭ تانىمالدىعى كۇرت تومەندەپ, رەكوردتىق ەڭ تومەن دەڭگەيگە جەتتى. مۇنداي قورىتىندىنى Reuters جانە Ipsos زەرتتەۋ كومپانيالارى جۇرگىزگەن جاڭا ساۋالناما كورسەتتى, دەپ حابارلايدى Egemen.kz.
زەرتتەۋ ناتيجەسىنە سايكەس, امەريكالىقتاردىڭ نەبارى 40%-ى ترامپتىڭ قىزمەتىنە وڭ باعا بەرىپ وتىر. بۇل كورسەتكىش ءبىر اپتا بۇرىنعى دەڭگەيدەن 2 پايىزعا تومەن. ال پرەزيدەنتتىڭ جۇمىسىن مۇلدە قۇپتامايتىنداردىڭ ۇلەسى 57%-عا دەيىن وسكەن.
ساۋالناماعا قاتىسۋشىلاردىڭ باسىم بولىگى ترامپتىڭ ەلدەگى تۇرعىندار شىعىندارىنىڭ وسۋىمەن كۇرەس جۇرگىزۋدەگى ءالسىز ارەكەتتەرىنە نارازى. رەسپوندەنتتەردىڭ 63%-ى كەلىسپەيتىنىن ايتقان.
Reuters دەرەگىنشە, ترامپ بيلىككە كەلگەننەن بەرى ينفلياتسيا دەڭگەيى ەڭبەك نارىعىنىڭ باياۋلاۋىنا قاراماستان ءوسىپ وتىر. بۇل جاعداي اقش-تىڭ ورتالىق بانكىن پايىزدىق مولشەرلەمەلەردى تومەندەتۋگە ءماجبۇر ەتتى.
سالىستىرمالى تۇردە العاندا, ترامپتىڭ الدىنداعى پرەزيدەنت دجو بايدەننىڭ ەڭ تومەن تانىمالدىق دەڭگەيى 36% بولعان. بۇل كورسەتكىش 2024 جىلدىڭ مامىر ايىندا تىركەلگەن ەدى.