الماتىنىڭ «قايرات» كومانداسىنىڭ قاقپاشىسى تەمىرلان اناربەكوۆ UEFA چەمپيوندار ليگاسىندا تاماشا ونەر كورسەتىپ, Sofascore ستاتيستيكالىق پورتالىنىڭ ەڭ جوعارى 10 بالدىق باعاسىن العان ساناۋلى قاقپاشىلاردىڭ ءبىرى اتاندى, دەپ حابارلايدى Egemen.kz.
22 جاستاعى تەمىرلان اناربەكوۆ «قايراتتىڭ» ساپىندا چەمپيوندار ليگاسىنداعى العاشقى ويىنىندا-اق جانكۇيەرلەردىڭ سەنىمىن تولىق اقتادى. كيپردىڭ «پافوس» كلۋبىنا قارسى وتكەن كەزدەسۋدە ول قارسىلاستاردىڭ بەس قاۋىپتى سوققىسىن ءساتتى تويتارىپ, قاقپاسىن ساقتاپ قالدى. ناتيجەسىندە ماتچ 0:0 ەسەبىمەن اياقتالىپ, اناربەكوۆ كوماندانىڭ ۇزدىك ويىنشىسى اتاندى.
Sofascore پلاتفورماسى قازاقستاندىق قاقپاشىنىڭ بۇل جەتىستىگىن ەرەكشە اتاپ ءوتتى. رەسمي جازبادا ونىڭ جاراقاتتان كەيىن الاڭعا العاش رەت شىققانى جانە بىردەن تاريحي ناتيجەگە قول جەتكىزگەنى ايتىلعان. وسىلايشا, تەمىرلان چەمپيوندار ليگاسىنىڭ تاريحىندا ەڭ جوعارى – 10 بالل العان بار بولعانى ءۇشىنشى قاقپاشى رەتىندە تىركەلدى.
ايتا كەتەيىك, حالىقارالىق دەڭگەيدەگى سپورتتىق باعالاۋ جۇيەسى سانالاتىن Sofascore فۋتبولشىلاردىڭ كورسەتكىشتەرىن ناقتى دەرەكتەر نەگىزىندە ەسەپتەيدى.