ناۋقاستار قازىر ارقالىق, تورعاي, قوستاناي اۋرۋحانالارىندا جاتىر. الەۋمەتتىك جەلىدە اۋرۋحانادا ورىن جەتپەي جاتىر دەگەن اقپارات تاراعان. الايدا مۇنى وبلىستىق دەنساۋلىق ساقتاۋ باسقارماسى جوققا شىعاردى. سانيتارلىق-ەپيدەميالوگيالىق قىزمەت ماماندارى توي بولعان ءدامحانانى تەكسەرىپ جاتىر. ال پوليتسيا قر قىلمىستىق كودەكسىنىڭ 304 بابى بويىنشا ءىس قوزعادى, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسىنىڭ مالىمەتىنشە, 20 قازاندا ارقالىق قالاسىنىڭ, جانگەلدين اۋداندىق اۋرۋحاناسىنا, وبلىستىق اۋرۋحاناعا ازىق-ت ۇلىكتەن ۋلانۋ دياگنوزىمەن ناۋقاستار جۇگىندى. ناۋقاستاردا ءىشتىڭ ءوتۋى, دەنە قىزۋىنىڭ كوتەرىلۋى, جالپى السىزدىك بەلگىلەرى بولعان.
ولاردىڭ ءبارى دەر كەزىندە قوستاناي وبلىستىق اۋرۋحاناسىنا, ارقالىق قالاسى مەن جانگەلدين اۋداندىق اۋرۋحانالارىنا جاتقىزىلدى. جانگەلدين اۋدانىندا 27, ارقالىقتا 52, وبلىستىق اۋرۋحانادا 6, بارلىعى 85 ناۋقاس ەمدەلىپ جاتىر. قازىر جاعدايلارى قاناعاتتانارلىق. وبلىستىق دەنساۋلىق ساقتاۋ باسقارماسىنىڭ باسشىسى, سانيتارلىق اۆياتسيا جەلىسى ارقىلى جۇقپالى اۋرۋلار دارىگەرلەرى, تەراپەۆت, پەدياتور ماماندار بريگاداسى تورعاي وڭىرىندە ءجۇر.
وبلىستىق سانيتارلىق-ەپيدەميالوگيالىق باقىلاۋ دەپارتامەنتى جۇقپالى اۋرۋعا قارسى قاجەتتى سانيتارلىق ءىس-شارالاردىڭ ءبارى اتقارىلىپ جاتقانىن ايتتى.
«تەرگەۋ باستالدى. دامحاناداعى تاماق ونىمدەرىنەن, اۋىز سۋدان, شايىندىلاردان سىناما الىنىپ, ميكروبيولوگيالىق زەرتتەۋگە جىبەرىلدى. تەرگەۋ بارىسىندا قوعامدىق تاماقتاندىرۋ ورنىنىڭ كۇندەلىكتى جۇمىس ىستەمەيتىنى, تەك بانكەتتىك ءىس-شارالار وتكىزەتىنى انىقتالدى. قوستاناي وبلىسىنىڭ باس مەملەكەتتىك سانيتارلىق دارىگەرى نىسان قىزمەتىن توقتاتا تۇرۋ, سونداي-اق ونىڭ قىزمەتكەرلەرىن جۇمىستان ۋاقىتشا شەتتەتۋ تۋرالى قاۋلى شىعاردى. جاپپاي ۋلانۋ دەرەگى بويىنشا ارقالىق قالاسىنىڭ اكىمدىگى مەن قۇقىق قورعاۋ ورگاندارىنا حابارلاما جولداندى. پوليتسيا باسقارماسى قازاقستان رەسپۋبليكاسى قىلمىستىق كودەكسىنىڭ 304-بابىنىڭ 1-بولىگى بويىنشا قىلمىستىق ءىس قوزعادى. تەرگەۋ ءجۇرىپ جاتىر. ونىڭ ناتيجەسى قوسىمشا حابارلاناتىن بولادى», دەدى وبلىستىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى گ ۇلىم دوسىموۆا.
قوستاناي وبلىسى