ايەلدەر تەننيسى قاۋىمداستىعى (WTA) جاڭارتىلعان رەيتينگىنى جاريا ەتتى, دەپ حابارلايدى Egemen.kz.
كەشە قىتايدىڭ نينبو قالاسىندا وتكەن WTA 500 تۋرنيرىندە جەڭىسكە جەتكەن قازاقستاننىڭ ءبىرىنشى راكەتكاسى ەلەنا رىباكينا الەمدىك رەيتينگتە ءۇش ساتىعا كوتەرىلىپ, 10-ورىننان 7-ورىنعا شىقتى.
ال تاعى ءبىر قازاقستاندىق سپورتشى يۋليا پۋتينتسەۆا رەيتينگتە 69-ورىننان 79-ورىنعا تومەندەدى.
جۇپتىق سايىستاردا ونەر كورسەتەتىن اننا دانيلينا ءوز پوزيتسياسىن ساقتاپ, 13-ورىندا قالدى.
WTA چەمپيوندىق كەستەسىندە رىباكينا بۇرىنعىشا 9-ساتىدا تۇر.
قاراشا ايىندا ەر-ريادتا وتەتىن ماۋسىم قورىتىندى تۋرنيرىنە قاتىسۋ ءۇشىن وتاندىق تەننيسشى ۇزدىك سەگىزدىك قاتارىنا ەنۋى قاجەت. ول ءۇشىن توكيودا (جاپونيا) وتەتىن WTA 500 تۋرنيرىندە الداعى ەكى كەزدەسۋىندە جەڭىسكە جەتسە جەتكىلىكتى. بۇل جاعدايدا رىباكينا 8-ورىنداعى رەسەيلىك ميررا اندرەەۆانى ارتقا تاستايدى. ايتا كەتەيىك, اندرەەۆا وسى اپتادا وتەتىن جارىستارعا قاتىسپايدى.