پرەزيدەنتتىڭ كەڭەسشىسى مالىك وتارباەۆ سولتۇستىك قازاقستان وبلىسىندا وبلىس اكىمى عاۋەز نۇرمۇحامەتوۆتىڭ جانە باسقا باسشىلار, اۋدان اكىمدەرى, سالا جەتەكشىلەرى, باق وكىلدەرىنىڭ قاتىسۋىمەن مەملەكەت باسشىسى قاسىم-جومارت توقاەۆتىڭ «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى تسيفرلىق وزگەرىستەر ارقىلى شەشۋ» اتتى قازاقستان حالقىنا جولداۋىن تالقىلاعان ءماجىلىس وتكىزدى, دەپ حابارلايدى Egemen.kz.
پرەزيدەنتتىڭ كەڭەسشىسى اۋىلدىق ايماقتاردىڭ دامۋ پەرسپەكتيۆالارى تسيفرلىق وزگەرىستەرگە بايلانىستى ەكەنىن اتاپ ءوتتى. ماجىلىستە سولتۇستىك قازاقستان وبلىسىندا 590 اۋىلدىق ەلدىمەكەندەر بولسا, سونىڭ 300-دەن ارتىعى پەرسپەكتيۆالى دەپ ەسەپتەلەتىندىگى ايتىلدى. بۇلاردا اۋىل حالقىنىڭ 82 پايىزى تۇرادى.
مەملەكەتتىڭ قولداۋىمەن اۋىلدىق جەرلەردىڭ ءومىر ءسۇرۋ جاعدايى جاقسارۋدا. قازىر اۋىلدارعا جاڭا ۇيلەر, مەكتەپ, مەديتسينالىق مەكەمەلەر مەن سپورتتىق نىساندار سالىنۋدا. اگرارلىق كەشەندەردە تسيفرلانعان وزىق تەحنولوگيالار ەنگىزىلۋدە.
مالىك وتارباەۆ ءوزىنىڭ سوزىندە تسيفرلاندىرۋدىڭ وسى زاماننىڭ وزەكتى تالابى ەكەنىن اتاپ, جولداۋدىڭ تاپسىرمالارىن ءسوزسىز ورىنداۋ ەلدىڭ دامۋىنا كەپىلدىك بەرەتىنىن اتاپ ءوتتى.
سولتۇستىك قازاقستان وبلىسى