16 قازان پرەزيدەنت پرەمەر-مينيستر ولجاس بەكتەنوۆكە وسى اپتانىڭ سوڭىنا دەيىن ازاماتتاردىڭ مۇددەسىن ەسكەرە وتىرىپ, ۇكىمەتتىڭ ەكونوميكالىق رەفورمالار باعدارلاماسىن ىسكە اسىرۋ ۇدەرىسىن رەتتەۋگە قاتىستى ناقتى شارالار ازىرلەۋدى تاپسىرعان بولاتىن, دەپ جازادى Egemen.kz.
وسىعان وراي ۇكىمەتتە ۇكىمەت مۇشەلەرىنىڭ, باسقا دا مەملەكەتتىك ورگاندار مەن ۇيىمدار باسشىلارىنىڭ قاتىسۋىمەن مەملەكەت باسشىسىنىڭ ازاماتتار مۇددەسى ءۇشىن ەكونوميكالىق رەفورمالار باعدارلاماسىن جۇزەگە اسىرۋدى رەتكە كەلتىرۋ جونىندەگى تاپسىرمالارىن ورىنداۋ ماسەلەلەرى بويىنشا كەڭەس ءوتتى. جيىندا 2026 جىلدىڭ ءى توقسانىنىڭ سوڭىنا دەيىن بارلىق تۇتىنۋشىلار توبى ءۇشىن كوممۋنالدىق قىزمەتتەر تاريفتەرىن كوتەرمەۋ شەشىمى دە قابىلداندى.
ۇلتتىق ەكونوميكا ۆيتسە-ءمينيسترى اسان دارباەۆ ەلەكتر, جىلۋ, سۋ, گازبەن جابدىقتاۋ جانە كارىز سىندى كوممۋنالدىق قىزمەتتەرگە باعانى كوتەرۋگە موراتوري ەنگىزىلگەنىن مالىمدەدى.
«مەملەكەت باسشىسىنىڭ تاپسىرماسى بويىنشا ۇكىمەت حالىقتىڭ تۇرمىس ساپاسىن ارتتىرۋعا, ەكونوميكانى جاقسارتۋعا باعىتتالعان شارالار كەشەنىن ازىرلەدى. ءبىرىنشى كەزەكتە 2026 جىلدىڭ ءبىرىنشى توقسانىنىڭ سوڭىنا دەيىن تاريفتەردىڭ ءوسۋىن تەجەۋ ماسەلەسى قوزعالادى. ءبىز ەلەكترمەن, جىلۋمەن جابدىقتاۋ, سۋمەن, كارىز جانە گازبەن جابدىقتاۋ سياقتى كوممۋنالدىق قىزمەتتەر تۋرالى ايتىپ وتىرمىز. بۇل ومىرلىك ماڭىزدى سالالار. وسى ورايدا ءبىز اتالعان قىزمەتتەردىڭ ءتيىستى ساپاسىن, بارلىق ينۆەستيتسيالىق ءىس-شارالاردىڭ ورىندالۋىن جانە تكش ينفراقۇرىلىمىنىڭ تۇراقتى, ۇزدىكسىز جۇمىسىن قامتاماسىز ەتەمىز», دەدى ۇلتتىق ەكونوميكا ۆيتسە-ءمينيسترى.