پاۆلودار قالاسىندا مارعۇلان كوشەسىندەگى كوپقاباتتى تۇرعىن ءۇيدىڭ بىرىندە زەينەتكەر ايەل مەن ونىڭ 36 جاستاعى ۇلىنىڭ ءمايىتى تابىلعان. قايعىلى جاعداي قازان ايىنىڭ باسىندا بولعان. پاۆلودار وبلىستىق پوليتسيا دەپارتامەنتى اقپاراتتى راستادى,دەپ حابارلايدى Egemen.kz.
ءبىراز ۋاقىت بۇرىن ەر ادامنىڭ اكەسى قايتىس بولعان. وقيعا ورنىنان تابىلعان ءوزىن-ءوزى ءولتىرۋ تۋرالى جازبادا قاندى وقيعانىڭ سەبەبى رەتىندە ءدال وسى جاعداي اتالعان.
«پاۆلودار قالالىق ورتالىق پوليتسيا ءبولىمىنىڭ تەرگەۋشىلەرى قالا تۇرعىنى ايەلدىڭ ءولىمى جانە ونىڭ ۇلىنىڭ ءوز-وزىنە قول جۇمساۋى فاكتىسى بويىنشا سوتقا دەيىنگى تەرگەۋ جۇرگىزىپ جاتىر», دەلىنگەن حابارلامادا.
انىقتالعانداي, كۇدىكتى قىلمىس جاساعان سوڭ وزىنە قول جۇمساعان.
قازىر اتالعان فاكتى بويىنشا قاجەتتى ساراپتامالار تاعايىندالىپ, وقيعانىڭ بارلىق ءمان-جايى انىقتالىپ جاتىر.